Elordalyq dárigerler karantınde jatqandardyń jaǵdaıy týraly baıandady

Nur-Sultan qalasynyń Kópbeıindi medıtsınalyq ortalyǵynyń ınfektsıonıst dárigeri Sáýle Atyǵaeva jumys kúni saǵat tańǵy jeti jarymda bastalyp, túnniń bir ýaǵyna deıin jalǵasatynyn aıtady. Álbette túngi aýysym da bar. Jumys kún saıyn josparlanady.

Dárigerler patsıentterdiń temperatýrasy men jaǵdaıyn únemi tekserip otyrady. Densaýlyq jaǵdaıy jaqsy azamattar bosatylady. Naýqastarǵa barar aldynda dárigerler qajetti qorǵanys kıimderin kıip, barlyq qaýipsizdik sharalaryn qabyldaıdy. Beınejazbada ár bólimde qajetti qural-jabdyqtardyń bary kórinip tur. Atap aıtqanda, aýany zalalsyzdandyrýǵa arnalǵan retsırkýlıatorlar, jeldetý júıesi jumys isteıdi.

«Bizdiń barlyq palata birkisilik. Intensıvti terapııa bóliminde naýqastar joq. Búgin biz naýqastardy qabyldaýǵa daıynbyz. Eki oryndy bólme, naýqastyń jaǵdaıyn baqylaýǵa múmkindik beretin tósek janynda monıtorlar, defıbrıllıator, ottegi jetkizgish bar. ıAǵnı, eger ókpesi qabynǵan adam nemese tynys alý jetkiliksizdigi bar aýyr naýqas kelse, onda bizdiń reanımatolog oǵan kómek kórsete alady», - deıdi Sáýle Atyǵaeva.

Aýrýhanada sonymeen qatar elektrokardıogramma bólmesi, ǵımarattan shyqqan kezde antıseptık bar.

Dárigerlerdiń aıtýy boıynsha, patsıentterdi tamaqtandyrý jaǵynan másele joq. Mysaly búgingi mázirde patsıentterge jańa pisken kókónisterden jasalǵan salattar, kúrish jáne kespe sorpasy, pisirilgen balyq qosylǵan kartop pıýresi berilgen.