Elordalyq dárigerler «COVID-19 pandemııasynyń jeńimpazy» arnaıy syılyǵymen marapattaldy
Elorda ákimdiginen málim etkendeı, Medıtsına qyzmetkerleri kúnine oraı ótken saltanatty sharada densaýlyq saqtaý salasynyń barlyǵy 30-dan astam qyzmetkeri marapattaldy.
Úzdikter 8 nomınatsııa boıynsha anyqtalyp, olarǵa 1 mln teńgeden tabys etildi.
«Úzdik MSAK uıymy» nomınatsııasy boıynsha №9 qalalyq emhana jeńiske jetti. Marapat emhananyń dırektory Sáýle Smaǵulovaǵa tapsyryldy.
«2022 jyldyń tıimdi menedjeri» nomınatsııasynda №2 kópsalaly qalalyq aýrýhananyń dırektory Nurbol Tursynbaev jeńiske jetti.
Medıtsına qyzmetkerlerin marapattaý tarıhynda bıyl alǵash ret arnaıy nomınatsııa – «COVID-19 pandemııasynyń jeńimpazy» syılyǵy berildi. Bul nomınatsııa ınfektsııa juqtyrǵan naýqastardyń ómirin saqtaý úshin toqtaýsyz kúresken eki dárigerge berildi. Nomınatsııa qalalyq ftızıopýlmonologııa ortalyǵynyń dırektory Anna Tsepka men №3 kópsalaly qalalyq aýrýhananyń dırektory Juldyz Danbaevaǵa tapsyryldy.
«Jedel medıtsınalyq járdemniń úzdik brıgadasy» ataǵyna jedel medıtsınalyq járdem stantsııasynyń №10 brıgadasy laıyqtaldy: Rýstama Qýrmanaeva (dáriger), Nurjan Eshimbetov (feldsher), Dýlat Ýltarakov (júrgizýshi).
Taǵy bir nomınatsııa – «Úzdik jalpy tájirıbelik dáriger» №4 qalalyq emhananyń dárigeri Sholpan Muqyshevaǵa berildi.
Al «Úzdik hırýrg» ataǵyna №2 Kópbeıindi qalalyq aýrýhananyń júrek-qan tamyrlary hırýrgııasy bóliminiń meńgerýshisi Alekseı Smolenskıı ıe boldy.
№3 kópsalaly qalalyq aýrýhananyń perzenthana bóliminiń meńgerýshisi Elmıra Álimjan «Úzdik akýsher-gınekolog» atandy.
№ 11 qalalyq emhananyń ýchaskelik meıirbıkesi Bıbigúl Shoqybasova «Úzdik orta medıtsına qyzmetkeri» nomınatsııasyn jeńip aldy.
