Elordalyq dárigerler Arysta zardap shekken 2 balanyń jaǵdaıy týraly aıtty
«28 maýsym kúni keshke qaraı Shymkentten 2005 jáne 2011 jyly týǵan eki kishkentaı naýqas bizdiń balalar aýrýhanasynyń jansaqtaý bólimine jetkizildi. Dárigerler eki naýqastyń da bas mıy men kókiregin KT ótkizip, bireýine operatsııa jasady. Qazirgi ýaqytta ekeýi de neırohırýrgııa bólimine aýystyrylyp, em alyp jatyr. Onyń bireýi, ıaǵnı 2011 jyly dúnıege kelgen balanyń jaǵdaıy aýyr. Eki balaǵa da dıagnostıka jasalyp, em alý tolyq kólemde júrgizilýde. Zardap shekken balalardyń densaýlyǵyn jaqsartý jolynda ózimizdiń, sonymen qatar, respýblıkalyq neırohýrırgııa ortalyǵynyń mamandary kúresip jatyr», - dedi qalalyq №2 balalar aýrýhanasynyń bas dárigeri Birjan Dosmaıylov.
Onyń aıtýynsha, ekeýi de ashyq bas jaraqatyn alǵan jáne tolyq jazylǵansha aýrýhanada jatady.
«Balalardy elordaǵa alyp kelerde ata-analasynan ruqsat alyndy jáne olar qazir balalarymen birge», - dedi ol.
Eske sala ketsek, buǵan deıin QR Densaýlyq saqtaý mınıstri Eljan Birtanov eki balanyń em alý úshin elordaǵa jetkizilgenin aıtqan bolatyn.
«№2 qalalyq balalar aýrýhanasynda balalardyń emine qajetti barlyq jaǵdaı jasalǵan. Bilikti mamandardy shaqyrdyq, munda medıtsınalyq apparattar men dári-dármek te jetkilikti. Balalardyń jaǵdaıy meniń jeke baqylaýymda bolady», - dedi mınıstr.
