Elordalyq dárigerler 23 aptada týǵan náresteni aman alyp qaldy
ASTANA. QazAqparat - Astanadaǵy №3 kópsalaly qalalyq aýrýhananyń akýsherlik blogy qýanyshty oqıǵany atap ótýde, kishkentaı Zere úıine shyǵaryldy, ol 23 aptada dúnıege kelgen, dep habarlaıdy QazAqparat.
Jergilikti ákimdiktiń málimetinshe, ó mirge kelgen kezde sábıdiń salmaǵy - 600 gr, boıynyń uzyndyǵy bir paraq qaǵazben birdeı - 32 sm bolǵan.
Qyzdyń anasy bosanǵannan keıin aýrýhanada 124 kún jatqanyn aıtty. Onyń ishinde 88 kún - reanımatsııada, qalǵan kúnder jańa týǵan nárestelerdi kútý bóliminde ótti.
«Qyzyma aıaǵym aýyr ekenin bilgende, biz úshin bul úlken qýanysh boldy. Júktilik asqynýsyz jaqsy ótti. Biraq 23-shi aptada sý ketip, merziminen buryn bosanýǵa týra keldi. Bizdiń Zeremiz 600 gramm salmaqpen týdy. Jaqsy mamandardyń, tájirıbeli dárigerlerdiń arqasynda qyzym tiri qaldy», - dep eske alady áıel.
4 aıdyń ishinde dárigerler men medbıkeler nárestege úırenip qaldy, ony jaqsy kóredi. Osy ýaqyt aralyǵynda sábı ósip, súıekteri qataıyp qaldy. Perzenthanadan shyqqan kezde onyń salmaǵy 2970 gramm boldy.
«Bala óte az dene salmaǵymen týǵandyqtan, onyń jaǵdaıy, tynys alýy aýyr boldy. Anasynyń mahabbatynyń, bilikti mamandardyń, neanotologtardyń erekshe qamqorlyǵynyń arqasynda balanyń densaýlyǵyna qaýip joq», - dedi Balalar reanımatsııasy jáne qarqyndy terapııa bóliminiń meńgerýshisi Irına Aleksandrovna.
Jyl saıyn №3 kópsalaly qalalyq aýrýhanada salmaǵy 1500 grammǵa jetpeıtin 80-ge jýyq sábı dúnıege keledi. Aǵymdaǵy jyldyń toǵyz aıynda osy salmaqta 50 bala perzenthanadan shyqty.
