Elordalyq dárigerler 2013 jylǵa skrınıngtik tekserýdiń tizimin jasady
ASTANA. 14 aqpan. QazAqparat - Astananyń densaýlyq saqtaý qyzmetkerleri eń kóp taraǵan jáne qaýipti aýrýlardy erte bastan anyqtaý maqsatynda turaqty túrde halyqty medıtsınalyq baqylaýdan ótkizip keledi. Máselen, 2012 jyly 417 926 adam medıtsıanlyq tekseristen ótken bolatyn. Skrınıngtik baǵdarlamalar tizbesine engizilgen aýrýlar sany aýqymdy. 2013 jyly erte kezeńde anyqtalǵan óńesh pen asqazannyń qaterli isigi, baýyr men qýyq bezderiniń isigi aýrýlaryna tekserýdiń jańa túrleri engizildi. Bul týraly Astana qalasynyń Densaýlyq saqtaý basqarmasy málim etti.
Atap aıtqanda, 2013 jyly skrınıngtik tekserý aýrý túrleriniń mynadaı baǵyttary boıynsha túrleri jalǵastyrylady:
- 25, 30, 35, 40 jastaǵy erler men áıelderdiń qandaryndaǵy holesterın men glıýkozany anyqtaý jolymen arterıaldyq gıpertenzııa men júrektiń ıshemıkalyq aýrýyn jáne dıspanserlik esepte turmaǵan 40 pen 64 jasqa deıingiler arasynda arterıaldyq gıpertenzııa, júrektiń ıshemıkalyq aýrýy, qant sýsamyr syrqattaryn erte kezeńde anyqtaý úshin skrınıngten ótkizý. (Ótý merzimi - 2 jylda 1 ret);
- sańyraýlyqtyń týabitti jáne tuqym qýalaýshylyq túrin erte kezeńde anyqtaý skrınıngi. Ol qalanyń barlyq perzenthanalarynda jańa týǵan sábılerdi zamanaýı joǵary tehnologııalyq jabdyqtardyń kómegimen júzege asady. Bóbekterde syrqattyń alǵashqy belgileri anyqtalǵan jaǵdaıda sýrdolog dárigerge qaıta tekserýge jiberiledi;
- jatyr moıynshasy qaterli isigi boıynsha dıspanserlik tirkeýge turmaǵan 30, 35, 40, 45, 50, 55, 60 jastaǵy áıelderde jatyr moıynshasy men sút beziniń isigin erte anyqtaý skrınıngi;
- V jáne S gepatıt qaýpiniń maqsatty tobynyń skrınıngi. Qaýipti topqa qan quıýdan nemese onyń komponentterinen ótken, ota jasalǵan, jańadan paıda bolǵan qaterli qan aýrýyna shaldyqqan, gemodıalızdegi balalar jatady. Budan bólek, qaterli topta eresek medıtsınalyq qyzmetkerler (hırýrgııa profıliniń, protsedýralyq kabınettiń, jedel medıtsınalyq járdemniń, qan ortalyqtarynyń, patalogoanatomııalyq qyzmettiń ota jasaıtyn dárigerleri men medbıkeler, sot medıtsınalyq sarapshylar), gemodıalızdegi qan aýrýyna, jańadan paıda bolǵan qaterli aýrýlarǵa shaldyqqandar bar;
- glaýkoma boıynsha dıspanserlik tirkeýge turmaǵan 40, 42, 44, 46, 48, 50, 52, 54, 56, 58, 60, 62, 64, 66, 68, 70 jastaǵy erler men áıelderde glaýkomany erte anyqtaý skrınıngi;
- arterıaldyq qan qysymynyń artýy, júrektiń ıshemııalyq aýrýy jáne qant sýsamyry boıynsha dıspanserlik tirkeýge turmaǵan 25, 30, 35, 40 jastaǵy, 40 jastan 64 jasqa deıingi erler men áıelderde qant sýsamyryn erte anyqtaý skrınıngi (Ótý merziminiń aralyǵy - 2 jylda 1 ret);
- polıpoz, toq ishek jáne tik ishek boıynsha tirkeýge turmaǵan 50, 52, 54, 56, 58, 60, 62, 64, 66, 68, 70 jastaǵy erler men áıelderde kolorektaldyq rakty erte anyqtaý skrınıngi;
- prostatıt qaterli isigi boıynsha tirkeýge turmaǵan 50, 54, 58, 62 jáne 66 jastaǵy erlerde prostatıt isigin erte anyqtaý skrınıngi;
Joǵaryda atalǵan tekserýler turǵyndardyń maqsatty toby arasynda tegin júrgiziledi.
