Elordalyq daǵdarys ortalyǵy Halyqaralyq áıelder kúnin atap ótti
NUR-SULTAN. QazAqparat - Elorda ákimdiginiń «Úmit» daǵdarys ortalyǵynda Halyqaralyq áıelder kúnine oraı merekelik is-shara ótti, dep habarlaıdy QazAqparat qala ákimdiginiń resmı saıtyna silteme jasap.
Ótkizilgen is-sharanyń basty maqsaty – ómirlik qıyn jaǵdaıǵa tap bolǵan analarǵa moraldyq qoldaý kórsetý, olarǵa senimdilik pen jan jylýyn syılaý.
Elordanyń Jumyspen qamtý jáne áleýmettik qorǵaý basqarmasynyń basshysy Sáýle Nurǵojına merekemen arnaıy quttyqtap, gúl shoqtaryn syılady, sol sııaqty ortalyq qyzmetkerlerin alǵys hattarmen marapattady. Óz kezeginde ortalyq dırektory Ǵalıhan Kýkanbekov te jınalǵan jandardy merekemen quttyqtap, demeýshilerge qoldaý kórsetkeni úshin alǵys bildirdi.
Sondaı-aq, is-sharada názik jandylar keremet qoıylym kórsetti, al balalary analaryna óz qolymen jasalǵan syılyqtaryn tabys etti.
Merekelik kontsertti ótkizýge Nur-Sultan qalasy ákimdiginiń Memlekettik Akademııasy fılarmonııasynyń ártisteri qoldaý kórsetti.
