Elordalyq tsırkte úıretilgen arystandar, túıeler, maımyldar men aıýlar óner kórsetedi
ASTANA. 26 jeltoqsan. QazAqparat - 21 jeltoqsan men 12 qańtar aralyǵynda elordalyq tsırkte «Ǵajaıypty saqtaýshylar» atty jańa jyldyq ertegi kórsetiledi. Bul týraly astana.kz saıty habarlady.
Kórsetilimge deıin bir saǵat qalǵanda tsırk foıesinde meımandar Jańa jyldyq sezimge enip, anımatorlar barlyǵyn sıqyrly soqpaqpen Aıaz ata men Aqshaqarǵa aparady. Sondaı-aq, Santa-Klaýs oıyndar ótkizedi, ekzotıkalyq janýarlarmen sýretke túsiredi jáne t.b.
«Ǵajaıypty saqtaýshylar» - bul belgili ertegi keıipkerleri - Aıaz ata men Aqshaqar, Tis perisi, Trolder men Elfterdiń, Qar patshaıymy men Smýrfıkter qatysatyn qyzyqty jáne erekshe tsırk dýmany.
Budan basqa, akrobattar, áýe gımnastshylary, ıllıýzıonıst, balet ártisteri men saıqymazaqtar da óz ónerlerin ortaǵa salady. Baǵdarlamada úıretilgen arystandar, túıeler, maımyldar, aıýlar jáne 2014 jyldyń nyshany - Sıqyrly jylqy attraktsıony kórsetiledi.
Qyzyqty zamanaýı qoıylym, tsırk ártisteriniń jemisti eńbegi, keremet kostıýmder eshkimdi de beı-jaı qaldyrmaıdy.
Jańa jyldyq demalys kezinde elordalyq tsırkke Qazaqstannyń túkpir-túkpirinen 32 myńnan astam bala keledi.
