Elordalyq birneshe áıelge nesıe aldyrǵan alaıaqty polıtsııa Almatyda ustady
NUR-SULTAN. QazAqparat – Astanalyq polıtseıler áıelderdi aldap aqshalaryn ıemdenip, attaryna nesıe rásimdeýge kóndirgen alaıaqty ustady, depa habarlaıdy Nur-Sultan qalalyq PD baspasóz qyzmetine silteme jasap.
4 derek boıynsha kúdikti retinde ustalǵan er adam áıelderdiń senimine kirip, olardan qomaqty aqsha, mashınalaryn ıelengen. Sonymen qatar áıelderdi «bıznesine» kómek surap, alıaqtyq jolmen olarǵa nesıe aldyrǵan.
«Polıtsııa departamentiniń qyzmetkerleri jedel-izdestirý sharalaryn júrgizý barysynda elordada áıelderdi aldap birqatar alaıaqtyq jasaǵan 34 jasar T.-degen azamatty Almaty qalasynda qolǵa túsirdi. Ol bir jábirlenýshini aldap, alty mıllıon teńgesin jymqyrǵan. Onymen qoımaı birneshe áıelmen kóńil jarastyryp, tipti birge de turǵan», delingen habarlamada.
Qazirgi ýaqytta er adam Almaty qalasynyń Tergeý ızolıatoryna qamaldy, tergeý is-sharalary júrgizilgennen soń elordaǵa etappen jetkiziledi.
Sonymen qatar, kúdikti byltyr avtokólikten urlyq jasap, quny 360 myń turatyn altyn bilezikti qoldy qylǵan.
Qazir tergeý júrgizilýde. Kúdiktiniń basqa da qylmysqa qatysy bar ekendigi tekserilýde. Osyǵan baılanysty elordanyń Polıtsııa departamenti ustalǵan azamattyń qylmystyq áreketinen zardap shekkender bolsa astanalyq polıtsııa departamentine aryzdanýdy nemese myna telefondarǵa: 8(7172)71-60-22, 71-63-29; 102 habarlasýyn suraıdy.
