Elordalyq bilim basqarmasynyń basshysy zań buzǵan adamdy jumysqa qabyldaǵan

NUR-SULTAN. QazAqparat - Nur-Sultan qalasynyń ákimshilik ister jónindegi mamandandyrylǵan aýdanaralyq sotynyń qaýlysymen azamat Sh. Seısenbaı buryn sybaılas jemqorlyq qylmys jasaǵan adamdy jumysqa qabyldaǵany úshin ákimshilik jaýapqa tartyldy.

Bul týraly QazAqparat QR Sybaılas jemqorlyqar qarsy is-qımyl agenttiginiń baspasóz qyzmetine silteme jasap habarlaıdy.

Baspasóz qyzmetiniń derekterine qaraǵanda, ákimshilik is júrgizý materıaldaryn qaraý barysynda Sh. Seısenbaıdyń Nur-Sultan qalasy ákimdiginiń elordalyq bilim basqarmasynyń basshysy laýazymyn atqara otyryp, balabaqsha meńgerýshisi laýazymyna buryn QR QK 176-b. 3 b. «b», «g» t. jáne QR QK 317-b. 1-b. (1997 jylǵy redaktsııasynda) sottalǵan qyzmetkerdi qabyldady.

QR Eńbek kodeksinde kózdelgen normalarǵa sáıkes, buryn sybaılas jemqorlyq qylmys jasaǵan adamdardy kvazımemlekettik sektor sýbektilerine basshylyq laýazymǵa ornalastyrýǵa jol berilmeıdi.

Sonymen qatar, 2020 jylǵy qazanda eńbek zańnamasyna engizilgen túzetýlerge sáıkes bul shekteý kvazımemlekettik sektordaǵy qatardaǵy laýazymdarǵa qoldanylady.

«Bıylǵy jyldyń basynan beri QR Sybaılas jemqorlyqqa qarsy is-qımyl agenttiginiń astanalyq departamenti tarapynan 8 tulǵa ákimshilik jaýapqa tartyldy, olardyń 5-i memlekettik qyzmetshiler jáne memlekettik fýnktsııalardy júzege asyrýǵa teńestirilgen tulǵalar bolyp tabylady. Óndirip alynǵan aıyppuldar somasy 2,1 mln. teńgeni qurady»,-delingen habarlamada.