Elordalyq belsendiler Shaxandaǵy apattan zardap shekkenderge kıim-keshek jáne azyq-túlik jınaýda

 ASTANA. QazAqparat - Elordanyń birqatar belsendi azamaty Shaxandaǵy apattan zardap shekkenderge kıim-keshek jáne buzylmaıtyn azyq-túlik jınaý sharasyn bastady. Bul jaıynda belgili aqyn ári jýrnalıst, QR Qorǵanys jáne aeroǵarysh mınıstriniń baspasóz xatshysy Aqberen Elgezek óziniń Feısbýktaǵy paraqshasynda jazdy, dep habarlaıdy QazAqparat.

«Qadirli astanalyqtar! Shaxan eldi mekeninde bolǵan apat barshamyzdyń kóńil-kúıimizdi alaı-dúleı qyldy. Keshe ǵana jańa jyldy qarsy alǵan 9 adam qaza bolyp, qanshama otbasy baspanasyz qaldy. Osyǵan oraı Erlan Saıyrov myrza bastaǵan bir top astanalyq belsendi azamat Shaxtınskidegi apattan zardap shekkenderge kıim-keshek jáne buzylmaıtyn azyq-túlik jınaý sharasyn bastap jatyr. Qıyn jaǵdaıda qalǵan aǵaıynǵa kómekteskisi kelgen astanalyqtar 3 qańtardan bastap, saǵat 10:00-15:00 ýaqyt aralyǵynda Momyshuly men Sátbaev kósheleriniń qıylysynda ornalasqan «Belyı veter» dúkeniniń sol jaǵyndaǵy kireberiste, 3-shi qabattaǵy ofıske zattardy ótkize alady. Esik ashyq turady. Shara aptanyń juma kúnine deıin jalǵasyp, jınalǵan dúnıe senbi kúni apat bolǵan eldi mekenge jóneltiledi», - dep jazdy ol.
  

Aıta keterligi, «Belyı veter» dúkeni «Turan» meıramhanasynyń janynda, «Raxmet» saýda úıiniń qarama-qarsysynda, Momyshuly atyndaǵy dańǵyldyń boıynda ornalasqan.

Baılanys telefondary mynadaı: 87770411470; 87017074010