Elordalyq bazarlarda birqatar ónimderdiń baǵasy arzandady
ASTANA. 6 qyrkúıek. QazAqparat - Astanada tamyz aıynda keıbir tamaq ónimderiniń baǵasy tómendedi. Bul týraly qalalyq Statıstıka departamentinen habarlady.
«Sıyr eti 3%, un 0,6-1% arzandady. Sonymen qatar, jemister men kókónister 5,4%, pııaz 9,4%, aq qaýdandy qyryqqabat 9,2%, kartop 7,7%, sábiz 7,4%, qyzylsha 7,3%, qyzanaq 5,1%, júzim 4,0%, alma 2,7%, almurt 2,2%, qııar 14,6%, qus eti 3,9 %, shaı 1,3%, et 0,9%, alkogolsiz sýsyndar 0,7% tómendedi», - delingen aqparatta.
Elordanyń resmı saıtynyń jazýynsha, keıbir azyq-túlik ónimderiniń baǵasy kóterildi. Jumyrtqa 3,4%, qant 1,6%, alkogoldi ishimdikter, temeki ónimderi 1,4%, sarymaı 0,8% qymbattady.
Jarma tobynda qaraqumyq baǵasy 3,3%, untaq jarmasy 1,5%, arpa jarmasy 1,3%, tary 0,6%, suly jarmasy 0,5% ósken. Budan basqa, keńse taýarlary men syzba kerek-jaraqtary 3,9%, jýý jáne tazalaý quraldary 0,9%, jeke kútiný quraldary men taýarlary, ózge de zattar 0,4%, úıge qajetti jıhazdar men zattar 0,3%, farmatsevtıkalyq ónimder 0,2%, benzın 0,1% qymbattady. Oqý aqysy 1,0%, densaýlyq saqtaý salasynda 0,2% joǵarylady.
