Elordalyq «Barys» Qurlyqtyq hokkeı lıgasyndaǵy alǵashqy oıynyn ótkizedi
NUR-SULTAN. QazAqparat - Elordalyq «Barys» Qurlyqtyq hokkeı lıgasyndaǵy alǵashqy oıynyn Belarýste «Dınamo» (Mınsk) klýbyna qarsy ótkizedi, dep habarlaıdy QazAqparat tilshisi.
Atalǵan oıyn elorda ýaqytymen 19:20-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 27 márte kezdesti. Onyń 15-i «Barystyń» basymdyǵymen aıaqtalsa, qalǵanynda qarsylasyna ese jiberdi.
Sońǵy bes kezdesýdiń ekeýinde elordalyq klýb basym tústi.
Ótken maýsymda eki komanda bir-birden jeńiske jetti. Aldymen elordada «Barys» býllıtten 3:2 esebimen basym tússe, Mınskide 5:6 esebimen ese jiberdi.
«Barys» budan keıin 5 qyrkúıekte SKA (Sankt-Peterbýrg) komandasymen kezdesse, kelesi kezekte 7 qyrkúıekte «Vıtıaz» (Podolsk), 9 qyrkúıekte «Sochı» komandalarymen sheberlik baıqasady.
Al elordada 13 qyrkúıekte «Traktor» (Chelıabınsk) komandasyn qabyldaıdy.
Eske salsaq, budan buryn «Barys» shaıbaly hokkeıden Qazaqstan Prezıdenti kýbogynyń ıegeri atandy.
