Elordalyq «Barys» hokkeı komandasynyń burynǵy kapıtany qaza tapty
ASTANA. 1 shilde. QazAqparat - Jumaǵa qaraǵan túnde túmendik «Rýbın» komandasynyń qorǵaýshysy, elordalyq «Barys» komandasynyń burynǵy kapıtany Remır Haıdarov qaza tapty.
Bul jaıynda «Ekspress K» gazeti jazdy.
Qaıǵyly oqıǵa hokkeıshiniń týǵan jeri Qazan qalasyndaǵy saıajaıda demalyp jatqan jerinde oryn aldy. Úı órtenip, Remır ekinshi qabattaǵy týystaryn qutqarýǵa umtylǵan. Dál osy kezde úıdiń shatyry qulap, ony basyp qalǵan.
34 jastaǵy ol birneshe maýsym «Aq Barys» klýbynyń sapynda óner kórsetip, Reseı chempıonatynyń kúmis júldegeri atanǵan. Al «Barys» komandasy reseılik joǵary lıgada oınaǵan 2008-2009 jylǵy maýsymda elordalyq komandanyń kapıtany bolǵan edi.
