Elordalyq bankterdiń biriniń astynan qazylǵan 74 metrlik jerasty joly anyqtaldy
ASTANA. Qazannyń 22-si. QazAqparat /Marlan Jıembaı/ - Qazannyń 19-ynda elordadaǵy bankterdiń biriniń qaýipsizdik qyzmetiniń bastyǵy Astana qalalyq ІІD Jedel basqarý ortalyǵyna bankke jer astynan qazylǵan joldyń anyqtalǵandyǵy týraly málimdegen,
dep habarlaıdy QazAqparat.
Astana qalalyq ІІD til saıasaty jáne aqparat bóliminiń bastyǵy Nurdildá Orazdyń aıtýynsha, polıtseılerdiń jedel izdestirý is-sharasyn júrgizýi barysynda uzyndyǵy 74 metrlik jer asty joly tabylǵan. Tonneldiń bastapqy núktesi bankke taıaý ornalasqan garajdardyń birinen shyqqan. Garaj ıesiniń aıtýynsha ótken jyldyń tamyz aıynda ol belgisiz bireýlerge garajdy turaqty jalǵa bergen eken.
Osylaısha bankke enip, mol oljaǵa qaryq bolmaq bolǵan qylmyskerlerdiń joly kesildi. Qazirgi ýaqytta osy jaıtqa qatysy bar birneshe tulǵa anyqtalyp otyr.
Osy qylmysty ashýǵa baǵyttalǵan jedel izdestirý is-sharalary keshendi júrgizilýde.
