Elordalyq balýandar belbeý kúresinen el chempıonatynda komandalyq esepte úzdik shyqty
ALMATY. Qyrkúıektiń 15-i. QazAqparat /Erlik Erjanuly/ - Belbeý kúresinen 23 jasqa deıingi jastar arasynda Astanada ótken Qazaqstan chempıonatynda elordalyq balýandardyń mereıi ústem boldy.
Eki kúnge sozylǵan bul jarysqa elimizdiń 9 aımaǵynan 109 sportshy qatysqan bolatyn. Onda aqmolalyq A.Mustafın (90 kg), atyraýlyq N.Ystybaev (60 kg), pavlodarlyq R.Demesinov (55 kg) pen T.Seıilov (73kg), jáne astanalyq S.Talaıbek (81 kg), E.Oskonov (100 kg), N.Altynbekov (+100 kg) óz salmaq dárejesinde chempıon atandy. Elordanyń namysyn bul jarysta «Astana batyry» jekpe-jek klýbynyń shákirtteri qorǵaǵan bolatyn. Olar komandalyq esepte 4 altyn, 3 kúmis jáne 2 qola júldemen birinshi oryndy jeńip aldy. Ekinshi oryndy Pavlodar oblysy ıelendi. Júldeli úshtikti Aqmola oblysy túıindedi. El chempıondary endi Álem jáne Azııa chempıonatynda óner kórsetetin bolady.
