Elordalyq «Baldyrǵan» tsırkine - 45 jyl
ASTANA. 23 qazan. QazAqparat - 25 qazanda Oqýshylar saraıynda «Baldyrǵan» halyq tsırkiniń 45 jyldyǵyna oraı merekelik baǵdarlama uıymdastyrylady. Bul týraly elordanyń resmı saıty habarlady.
Baǵdarlama aıasynda kontserttik nomerler men quttyqtaýlar bolady. Іs-sharaǵa «Baldyrǵan» halyq tsırkiniń jas ártisteri, Astana qalasynyń mektep, lıtseı jáne gımnazııa oqýshylary qatysady.
«Baldyrǵan» halyq tsırki óziniń qoıylymdarymen 45 jyl boıy kópshilikti qýantyp keledi. Sonyń ishinde 40 jyl boıy «halyq» qurmetti ataǵymen qyzmet etýde. «Baldyrǵan» halyq tsırkiniń negizin qalaǵan Qazaqstannyń eńbek sińirgen qyzmetkeri Vıacheslav Anısın.
Bul jyldary «Baldyrǵan» Qazaqstan men TMD elderinde kóptegen qoıylymdaryn kórsetip, kóptegen respýblıkalyq baıqaýlarda, Búkilodaqtyq shyǵarmashylyq festıvalderinde laýreat atanǵan. QR Prezıdenti men ákim shyrshalaryna qatysady. Budan basqa, tsırk tárbıelenýshileri III jáne IV Ulttyq Delfıı oıyndarynda (2007, 2008 jj.) altynnan alqa taǵyndy, sondaı-aq tsırktiń jas ártisteri Mınsk qalasynda ótken TMD memleketteriniń V Jastar Delfıı oıyndarynda Qazaqstan quramasynyń sapynda óner kórsetti (2008 j.).
Aıta keteıik, jyl saıyn tsırktiń jas ártisteri qarttar úıine, balalar úıine, jazǵy lagerlerge, áskerı bólimderge baryp, óner kórsetedi.
