Elordalyq balalar arasynda qyzylsha men A gepatıtin juqtyrý jıiledi - Sarhat Beısenova

ASTANA. QazAqparat – Bıyl elordadaǵy balalar arasynda A vırýstyq gepatıti men qyzylsha juqtyrý derekteri tirkelip jatyr. Muny Astana qalasynyń bas memlekettik sanıtarııalyq dárigeri Sarhat Beısenova aıtty, dep habarlaıdy QazAqparat tilshisi.

«Bıyl 3 aıdyń qorytyndysy boıynsha 1 jasqa deıingi, 1 jastaǵy jáne 6-7 jas aralyǵyndaǵy balalar men 16-17 jas aralyǵyndaǵy jasóspirimder barlyq ınfektsııalarǵa qarsy DDU-nyń talap etiletin mejesine saı ekpe aldy. Biraq, bul rette A vırýstyq gepatıtiniń tirkelgen 48 jaǵdaıynyń 11-i vaktsına almaǵan balalar arasynda boldy. Ata-analar kóbine profılaktıkalyq ekpelerden bas tartady. 2 jastaǵy balalarǵa A vırýstyq gepatıtine qarsy ımmýndaý 2006 jyldan bastap jergilikti bıýdjet qarajatynan júrgizilip kele jatyr. Osy aralyqta A vırýstyq gepatıtimen syrqattanýshylyq 22,2 ese tómendedi», - dep toqtaldy Sarhat Beısenova.

Onyń aıtýynsha, 2 jyl qatar elordada qyzylsha tirkelmegen. Al bıyl naýryz aıynan bastap atalǵan aýrýdyń 7 jaǵdaıy anyqtaldy. Oǵan ata-analardyń balalaryna qyzylshaǵa qarsy ekpe saldyrýdan bas tartýy sebep.

Sonymen qatar, Astana qalasynyń bas memlekettik sanıtarııalyq dárigeri elordada Reseı azamatynan denge bezgegi anyqtalǵanyn aıtty.