Elordalyq áıelder uıymdary «Qazaqstan-2020» jalpyulttyq demokratııalyq kúshter koalıtsııasyn qoldaýda

ASTANA. 14 qańtar. QazAqparat /Jasulan Amanbaıuly/ - Astanadaǵy áıelder uıymdary «Nur Otan» HDP-nyń «Qazaqstan-2020» atty jalpyulttyq demokratııalyq kúshter koalıtsııasyn qoldaıtyndyqtaryn málim etti.

Búgin Astanada ótken baspasóz máslıhatynda elordadaǵy 8-ge tarta áıelderdiń úkimettik emes uıymdary elimizdegi áıelder uıymdary men barlyq áıelderdi respýblıkalyq yntaly toptyń bastamashylyǵyn qoldaýǵa shaqyrdy.

Olardyń aıtýynsha, Prezıdent N.Nazarbaev genderlik saıasatqa úlken qamqorlyqpen qarap, eldiń damýynda áıelderdiń rólin joǵarylatýǵa kúsh salýdan jalyqqan emes.

«Nursultan Ábishuly Nazarbaev qoǵam damýy jáne memlekettiń órkendeýi jolynda áıelder uıymdary róliniń artýyna qoldaý jasady jáne qoldap keledi. Ol genderlik saıasatty eshqashan nazardan tys qaldyrmaǵan. Sondyqtan búgingi zamanda áıelder qaýymy el qyzmetiniń ár salalarynda belsendilik tanytyp júr. Biz Qazaqstannyń barlyq áıelderin atalǵan jalpyulttyq ıdeıany qoldaýǵa shaqyramyz»,-dep atap kórsetti «Qazaqstannyń isker áıelder qaýymdastyǵy» uıymynyń úılestirshisi Lıýbov Nabıtovskaıa.

«Biz elimizdegi shynymen de biregeı ult Kóshbasshysy dep Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevty bilemiz. Ol - eldik josparlardyń oryndalýynyń, memleket turaqtylyǵynyń, ortaq úıimizdiń beıbitshilik pen kelisimde uıysýynyń kepili»,-dep sanaıdy áıelder uıymdarynyń ókilderi.