Elordalyq áıel ózin urlap ketti dep polıtseılerdi aldaǵan
NUR-SULTAN.QazAqparat – Nur-Sultanda áıel ózin urlap ketti dep polıtseılerdi aldaǵan, dep habarlaıdy QazAqparat polisia.kz resýrsyna silteme jasap.
16 naýryzda qalalyq polıtsııa departamentine áıel men onyń eki balasyn bireýler urlap ketti degen habar kelip túsedi.
Qylmysty ashýǵa jedel tergeý toby men krımınaldyq polıtsııa basqarmasynyń qyzmetkerleri jumyldyryldy. Qabyldanǵan is-sharalar barysynda áıel men onyń balalary belgisiz bireýdiń jeke kóligimen qaladan shyǵyp, ońtústikke bet alǵany anyqtalady. 16 naýryz túnde atalǵan kólik Balqash qalasyna jetpeı jolda ustalady.
Tergeý kezinde polıtsııa qyzmetkerleri oqıǵanyń keı tustary bir-birimen qabyspaıtynyn túsinedi. Osylaısha atalǵan qylmysty áıeldiń ózi uıymdastyrǵany belgili boldy. Oǵan taǵy eki adam kómektesken.
