Elordalyq áıel 2 balasyn burynǵy kúıeýinen qaıtara almaı júr
NUR-SULTAN. QazAqparat – Elordanyń sot oryndaýshylary eki balany ákesinen anasyna tapsyrýǵa qatysty iste kúrdeli jaǵdaıǵa tap boldy, dep habarlaıdy QazAqparat tilshisi.
Belgili bolǵandaı, bir jyldan astam ýaqyt boıy áıel adam burynǵy kúıeýinen 10 jáne 11 jastaǵy eki balasyn qaıtarýǵa qaýqarsyz eken. Atalǵan áıel balalaryn ózi tárbıelegisi keledi, alaıda burynǵy kúıeýi balalaryn analaryna berýden jaltarýda.
«Sońǵy úsh jyl boıy balalar ákesimen birge turǵan. Alaıda sottyń sońǵy sheshimi boıynsha jetkinshekterdiń turǵylyqty jeri ózgertilip, endi olar anasymen birge turýy kerek bolatyn. Balalardyń ákesi bul sheshimmen kelispeı, bir páterden ekinshisine kóshý arqyly sot oryndaýshylarynan barynsha jasyrynyp júrdi. Qazirgi kezde er adam izdeýde emes, óıtkeni psıhologtyń baǵalaýy arqyly olardyń barlyǵymen kelissóz júrgizilýde. Psıhologtyń paıymynsha, balalarǵa únemi qysym jasalyp keledi», - dedi Nur-Sultan qalasy óńirlik jeke sot oryndaýshylarynyń palatasy jetekshisiniń orynbasary Mádına Janasaeva.
Búgin sot oryndaýshylary kezekti ret balalardy anasyna tapsyrýǵa talpynyp kórdi, alaıda bul áreketteri sátsiz boldy.
