Elordalyq avtovokzal endi jolaýshylarǵa úsh tilde qyzmet kórsetedi

ASTANA. QazAqparat - Halyqaralyq «EKSPO-2017» kórmesin ótkizý aıasynda qalalyq avtovokzalda anyqtamalyq - aqparattyq resepshn ashyldy, dep habarlady Astana ákimdiginiń medıa ortalyǵy .

«Saparjaı-Astana» JShS dırektorynyń orynbasary Jarqyn Bekjanovtyń aıtýynsha, jaz bastalǵaly jolaýshylar aqparatty úsh tilde - qazaq, orys jáne aǵylshyn tilderinde ala alady.

Ózgeris tek jolaýshylar qyzmetinde ǵana oryn alǵan joq.

Bıyl avtovokzal qaıta jóndeýden ótkizilýde. Kútý zalynda eden jabyndysy aýystyrylyp, syrtqy kelbeti jartylaı ózgertildi. Jumys tolyǵymen ekinshi jarty jyldyqta aıaqtalady. Qazirgi tańda káriz júıesin jóndeý jumystary aıaqtalýda.

Barlyq qurylys jumystary jolaýshylar kesheniniń jumysyna esh kedergi keltirgen joq.

 - Qazir jolaýshylardyń jaılylyǵy úshin avtovokzal aýmaǵynda ana men bala bólmesi, ashana, kafeterıı, dúńgirshekter múmkindigi shekteýli jandarǵa arnalǵan dárethana bar, - dep habarlady J. Bekjanov.