Elordalyq avtobýstar budan bylaı kúnine eki ret dezınfektsııalanady
13 naýryzdan bastap №1 Avtobýs parkinde jyljymaly quramdy zararsyzdandyrý jumystary júrgiziledi. Avtopark 70 baǵdar boıynsha qyzmet kórsetedi, onyń ishinde 40 qalalyq, 6 ekspress jáne qala mańyna qatynaıtyn 24 baǵdar bar. Jalpy avtobýs sany - 661.
«Búginnen bastap júrgizýshiler sońǵy aıaldamalarda kúnine eki ret avtobýstardyń ishin, ıaǵnı adam qoly tıietin jerlerdi: shyntaqshalardy, esik tutqalaryn, oryndyqtar men valıdatorlardy dezınfektsııalaıdy. Tabletkalar «S-01» dep atalady. Ónim Qazaqstanda jasalǵan. Bul dezınfektsııalyq eritindi allergııa týdyrmaıdy jáne eshqandaı ıis shyǵarmaıdy» delingen habarlamada.
Aýysym aıaqtalǵannan keıin baǵdarlar jýý ornyna kiredi, onda barlyǵyn kólik jýýshylar tazartady.
Búginde elorda qoǵamdyq kóligine 6 avtobýs parki qyzmet kórsetedi. Baǵdarlyq jeli 93 marshrýttan turady, onyń ishinde 63 qalalyq, 6 ekpress jáne qala mańyna qatynaıtyn 24 baǵdar bar. Kún saıyn 800-ge jýyq avtobýs lınııaǵa shyǵady. Qazirgi ýaqytta barlyq baǵdarlar bekitilgen kestege sáıkes qatynaıdy.
Avtobýstardy sońǵy aıaldamada dezınfektsııalyq eritindilermen zararsyzdandyrý úshin CTS kompanııasy elordanyń barlyq avtobýs parkterine hattar joldady.