Elordalyq avtobýs parkinen seıf urlaǵan qaraqshylar ustaldy
ASTANA. 18 mamyr. QazAqparat - Tártip saqshylary qomaqty aqsha salynǵan seıfti urlaǵan topty qolǵa túsirdi.
Bul týraly elordalyq ІІD baspasóz qyzmetinen habarlady.
Astana qalalyq ІІD Jedel basqarý ortalyǵyna 6 sáýir kúni tańǵy saǵat 5 shamasynda avtobýs parkiniń birinen bireýlerdiń seıfti urlaǵany týraly málimet tústi.
Oqıǵa ornyna jetken jedel tergeý toby tańǵy saǵat 4-te betperde kıgen 3 belgisiz adamnyń avtobýs parkiniń aýmaǵyna zańsyz ótkenin anyqtady. Olar kúsh kórsetip, kásiporynnyń keńsesinen 1 mln. 663 myń teńge salynǵan seıfti alyp ketken.
Qaraqshylyq shabýyl kezinde qos kúzetshi jaraqattandy.
ІІD qyzmetkerleri jedel izdestirý sharalarynyń nátıjesinde baýkespelerdiń izine tústi. Olardyń barlyǵy Aqmola oblysynyń turǵyndary bolyp shyqty. Astanada ýaqytsha turyp kelgen olardyń ekeýi 1990 jyly, úshinshisi 1989 jyly týǵan. Tergeý kezinde kúdiktiler óz qylmystaryn moıyndady. Al seıftegi qarjyny jaratyp úlgergen. Ustalǵandardyń ekeýi «ońaı oljaǵa» sporttyq zattar men VAZ 2108 kóligin satyp alǵan. Tártip saqshylary zattaı aıǵaqtardy tárkiledi.
Búginde kúdiktiler Astana qalalyq ІІD ýaqytsha ustaý oqshaýlaǵyshyna qamaldy.
Atalmysh oqıǵa boıynsha QR QK 178 baby «Urlyqqa» sáıkes qylmystyq is qozǵalyp, tergeý jumystary júrgizilýde.
