Elordalyq avıatsııa bazasynyń qurylǵanyna 21 jyl toldy
Oqý-jaýyngerlik tapsyrmalar barysynda armııalyq avıatsııa ushqyshtary ushý men qonýdy, sonymen qatar Mı-171Sh jáne ES-145 tikushaqtarymen baǵyt boıynsha ushýdy pysyqtady, jergilikti jerdi barlaý úshin ushýlardy oryndady.
«Daıarlyq barysyndaǵy mańyzdy element - kúrdeli meteojaǵdaıda jáne túngi ýaqytta ushý. Alǵash ret jas ofıtserler áýe kemesiniń komandıri retinde derbes ushty. Atalmysh áskerı bólimniń armııalyq avıatsııa ushqyshtary turaqty túrde taktıkalyq oqý-jattyǵýlarǵa, desantty tasymaldaýǵa jáne olardy jabdyqtalmaǵan alańǵa túsirýdi oryndaýǵa qatysady. Tikushaq eskadrılıa ekıpajdary jaralanǵandardy evakýatsııalaý jáne izdestirý-qutqarýmen qamtamasyz etý mindetterin sheshedi» delingen habarlamada.
2019 jyly jaýyngerlik daıarlyq baǵdarlamasyna sáıkes birqatar ushqyshtar túngi ýaqytta túnde kórý kózildirigin paıdalana otyryp, túngi ýaqytta ushýǵa jáne qarapaıym meteojaǵdaılarda túnde toppen ushýǵa ruqsat aldy. Kózildirik paıdalaný arqyly ótetin ushý barysynda avıatsııalyq tehnıkada barlyq jaryqtandyrý quraldary ajyratylady. Bul shartty qarsylasty onyń tylynda kenetten ustap alýǵa múmkindik beredi.
Armııalyq avıatsııadan basqa osy avıatsııalyq bazada áskerı-kólik avıatsııanyń ushqyshtar ekıpajdary qyzmet atqarady. Kúndiz jáne túnde olar Qazaqstannyń ár túrli baǵyttary boıynsha ushady, jaqyn jáne alys shetelge júk pen jeke quramdy tasymaldaıdy.
2019 jyly elordalyq avıatsııalyq bólimniń ushqyshtar quramynyń jalpy ushýy - shamamen 2000 saǵat.
