Elordalyq aýrýhanada Uly Otan soǵysy ardagerlerine arnalǵan Ashyq esik kúni ótedi
ASTANA. QazAqparat - 12 mamyrda Astanada №1 qalalyq aýrýhanada Jeńis kúnine oraı Ashyq esik kúni ótedi. Bul kúni elordalyq ardagerlerge kardıolog, terapevt, endokrınolog, nevrolog, pýlmonolog, androlog, LOR dárigerleri tegin konsýltatsııalar berip, medıtsına ókilderi salaýatty ómir salty boıynsha keńesterin usynady, dep habarlady https://astana.gov.kz.
Elordada 9 mamyr merekesine oraı mamyr aıy bastalǵaly birqatar patrıottyq sharalar ótkizildi. Óıtkeni, Jeńis kúni bul soǵystyń aýyrtpalyǵyn túsinýge jáne beıbitshilikti, tynysh ómirdi baǵalaýǵa ıtermeleıtin mereke. Osy ataýly kún kópultty memleketimizdiń árbir turǵyny úshin asa qymbat. Surapyl soǵys jyldary qaza tapqandardy máńgi este saqtaý jáne ardagerlerge qamqorlyq kórsetý barlyq býyn ókilderiniń paryzy bolyp tabylady.
Ardagerlerdi qabyldaý tańǵy saǵat 8:00-12:00 deıin júrgiziledi. Aıta keteıik, soǵys jyldarynyń batyrlaryna jyl saıyn taıaý jáne qıyr shet elderde biliktilikterin arttyratyn aýrýhananyń joǵary bilikti dárigerleri qyzmet kórsetedi. Sharaǵa Uly Otan soǵysynyń ardagerlerinen basqa, Almaty aýdanynyń 65 jastan asqan turǵyndary da qatysa alady.
