Elordalyq attraktsıondar saıabaǵy ashyldy
ASTANA. QazAqparat - Jaz maýsymynyń kelýimen astanalyq saıabaq qala turǵyndarynyń eń qalaýly demalys ornyna aınalady. Munda barlyq jastaǵy qala turǵyndary úshin túrli bos ýaqytyn qyzyqty ótkizýge jaǵdaılar jasalǵan. Astana qalasynyń Kommýnaldyq menshik qory kóktem-jaz maýsymdarynda astanalyq saıabaqta adamdardyń demalys ýaqyttaryn tıimdi ótkizýin qamtamasyz etedi, dep habarlady astana.gov.kz.
Búgingi tańda saıabaqta otbasylyq úsh attraktsıon, balalarǵa arnalǵan úsh attraktsıon jáne «Dıirmen» atty ekstremaldy attraktsıon jumys isteıdi.
Sonymen qatar, qazirgi ýaqytta atalmysh saıabaq aýmaǵynda amfıteatr qurylysynyń júrip jatqanyn baıqaýǵa bolady.
Astana qalasy Kommýnaldyq sharýashylyq basqarmasynyń tapsyrysy boıynsha «Astana - Kógaldandyrý» AQ saıabaq aýmaǵynda qurylys jumystaryn júzege asyrýda. Qaıta jóndeý jumystary kezinde saıabaqtaǵy barlyq qoǵamdyq tamaqtaný oryndary alynyp tastaldy. Al saıabaq aýmaǵyndaǵy «Demalys» dámhanasynyń ákimshiligi bekitilgen nobaı boıynsha jańa ǵımarat salyp jatyr.
