Elordalyq ata-analar tegin beriletin mektep formasyn ózderi tańdaıdy

Bıylǵy oqý jylynda elordalyq 6600 oqýshyǵa tegin mektep formasy berilmek. Olardyń bári – áleýmettik jaǵynan az qamtylǵan otbasylardyń balalary. Sol úshin jalpyǵa mindetti oqý qorynyń esebinen bólingen qarjyǵa qosymsha 200 mln teńgege jýyq qarajat qarastyrylyp otyr.

Nur-Sultan qalasynyń bilim berý basqarmasynyń basshysy Ánýar Janǵozınniń aıtýynsha, oqý jyly bastalǵanǵan keıin tegin forma alýshylar sany 6600-den asýy múmkin.

«Jalpyǵa mindetti oqý qory qaladaǵy mektepter bıýdjetiniń 1 paıyzyna teń bolýy tıis. Bıyl elorda mektepterine 42,7 mlrd teńge bólinip otyr. ıAǵnı, jalpyǵa mindetti oqý qorynyń kólemi 427 teńge boldy. Bul somanyń 131 mln teńgesi atalmysh sanattaǵy oqýshylardy jazǵy lagerlermen qamtýǵa jumsalsa, 260 mln teńgesi ystyq tamaqpen qamtýǵa bólingen. Qalǵan qarjyny tegin formaǵa 6600 oqýshyǵa teńdeı bólgende 6000 teńgeden ǵana keldi. Sol sebepti qala bıýdjetinen 200 mln teńgege jýyq qarajatty qosymsha bólýdi uıǵardyq», - deıdi basqarma basshysy.

Ákimdik ókiliniń sózine qaraǵanda, byltyr tegin forma alǵan 1674 oqýshynyń ata-analary memlekettik satyp alý arqyly alynǵan kıimderdiń sapasyna kóp syn aıtqan eken.

«Byltyr tegin beriletin mektep formasy memlekettik satyp alý aıasynda alynǵan bolatyn. Ata-analar onyń sapasyna qatysty kóp syn aıtty. Bıyl olaı bolmaý úshin tańdaýdy ata-ananyń ózine qaldyraıyq dep otyrmyz. Ol úshin 30 myń teńgelik sertıfıkattar beremiz. ıAǵnı, jalpyǵa mindetti oqý qorynyń esebinen kómek alatyn ár balaǵa 30 myń teńge bólip otyrmyz. Bul somaǵa ata-ana sport formasy men mektep formasynyń birin tańdap alady. Aıaq kıim de osy somanyń ishinde kiredi. Bul somaǵa kıim-keshekten bólek keńse taýarlaryn satyp alýǵa bolady», - deıdi basqarma basshysy.

Nur-Sultan qalasy boıynsha mektep formasyna muqtaj balalarǵa kıim usynatyn 7 dúken tańdap alynǵan.

«Dúkenderdiń mekenjaıy sertıfıkattyń artqy jaǵynda kórsetilgen. Qazirgi tańda 6200 balanyń aty-jóni tizimdeldi. Onyń ústine bul tizimge kirmeı qalǵan 2500 oqýshy «Mektepke jol» aktsııasy boıynsha forma alýǵa ótinish bildirip otyr. ıAǵnı, tegin formaǵa muqtaj balalar sany byltyrǵydan 4 ese kóbeıdi. Bul san áli artady dep kútip otyrmyz. Ár balanyń ata-anasyna tizim boıynsha at-jóni jazylǵan sertıfıkat beriledi. Onyń bir jartysy mektepte qalýy kerek. Qalǵan jartysy ata-ananyń qolynda bolady. Sertıfıkattyń 30 myń teńgesi túgel jumsalǵan kezde ata-ana ony sońǵy dúkenge ótkizedi. Biz dúkendermen keıin sol sertıfıkattyń eki bólshegin salystyrý arqyly esep aıyrysamyz», - dedi Nur-Sultan qalasynyń bilim berý basqarmasy basyshysynyń orynbasary Dýlat Jekebaev.

Mektep formasyn usynatyn dúkenderdi qalalyq «Atameken» ulttyq kásipkerler palatasy iriktegen.

«Atalmysh dúkenniń bári otandyq ónim usynyp otyr. ıAǵnı sapasyna birinshi kezekte kóńil bólindi. Olardyń eshqaısysy kelisilgen baǵany kótermeıdi», - dedi Nur-Sultan qalasy kásipkerler palatasynyń dırektory Almat Júnisov.

Ákimdik ókilderi jalpyǵa mindetti oqý qory esebinen beriletin tegin forma sertıfıkattary 15-qyrkúıekke deıin ǵana jaramdy ekenin aıtady.