Elordalyq ardagerlerge paradqa arnalǵan kostıýmder berilýde

ASTANA. QazAqparat - Qazaqstanda Uly Otan soǵysyndaǵy Jeńistiń 70 jyldyǵyn merekeleý aıasynda is-sharalar jospary bekitildi.

Oǵan sáıkes soǵys ardagerlerin biryńǵaı kıimmen qamtamasyz etý qarastyrylǵan, dep habarlaıdy astana.kz. Astana qalasy Jumyspen qamtý jáne áleýmettik baǵdarlamalar basqarmasynyń habarlaýynsha, biryńǵaı kıim jıyntyǵy sur tústi kostıým, ıýbka, sur tústi palto nemese plaş, galstýk pen kógildir beret, aq jeıde men qara aıaq kıimnen turady. Basqarmadaǵylardyń aıtýynsha, 4 sáýirden biryńǵaı forma UOS ardagerleri men múgedekterine taratyla bastady. Qazirgi kezde Astanada 41 ardager paradqa arnalǵan kostıýmmen qamtamasyz etildi.