Elordalyq ardagerler endigi ýaqytta qoqys shyǵarý úshin aqy tólemeıdi
«Astana-Tazartý» JShS 2013 jyldyń 1 naýryzynan bastap Uly Otan soǵysynyń ardagerleri men olarǵa teńestirilgen azamattar úshin QTQ úshin alynatyn aqy tóleýden bosatylǵanyn habarlaımyz. Budan bylaı ardagerlerge osy baǵytta tegin qyzmet kórsetiledi», - delingen habarlamada.
Sonymen qatar, kompanııa І jáne ІІ toptaǵy múgedekterge QTQ shyǵarýǵa aqy tóleýde saralanǵan jeńildikter qarastyrady.
Qosymsha aqparattar alyp, rastaıtyn qujattardy usyný úshin «Astana-Tazartý» JShS jeke tulǵalarmen jumys bólimine jolyǵýyńyzǵa bolady.
Qalalyq máslıhattyń bekitilgen sheshimine baılanysty Astanada qoqys shyǵarý qyzmet aqysy 2013 jyldyń 10 aqpanynan bastap:
- barlyq jaǵdaıy bar úılerde turatyn turǵyndar úshin aıyna bir adamǵa - 259,20 teńge;
- barlyq jaǵdaıy joq úılerde turatyn turǵyndar úshin bir adamǵa aıyna - 276 teńge bolyp bekitildi.
Aıta ketý kerek, Astanada turatyn barlyq soǵys ardagerleri men múgedekteri pátermen qamtylǵan. Olarǵa dári-dármekter alý, ambýlatorııalyq emdelýi úshin aqshalaı áleýmettik kómekter kórsetiledi. Qalalyq qoǵamdyq kólikterde tegin júrip, sanatorııalyq-kýrorttyq emdelýlerge, tis protezin salýǵa, kommýnaldyq qyzmetter men jáne de basqa qyzmetter aqysyz kórsetiledi. Sondaı-aq, olar mereke men ataýly kúnderi birrettik aqshalaı kómek alady.
