Elordalyq Antıkor memlekettik satyp alýǵa bólingen 2,2 mlrd teńgeni únemdegen
Basqosýǵa Astana qalasynyń Sybaılas jemqorlyqqa qarsy qyzmet departamentiniń qyzmetkerleri, shaǵyn jáne orta bıznes ókilderi men ákimdiktiń jaýapty tulǵalary qatysty.
«Biz bıznesti qorǵaýǵa kóp kúsh jumsaımyz. Kásipkerlik ádette memlekettik ýákiletti organdarmen memlekettik satyp alýǵa qatysý tóńireginde tyǵyz jumys isteıdi. Kásipkerler kóteretin máseleler – ashyqtyqtyń joqtyǵy, konkýrs negizinde qabyldanǵan sheshimdermen kelispeý jáne ózge de túıtkilder. Mundaı ótinishterdiń sany ósýde. Sondyqtan kásipkerlermen birlesip, bolashaqta ótkiziletin barlyq satyp alýlardyń ashyqtyǵyn qamtamasyz etýge baǵyttalǵan zańnamany ózgertý boıynsha olardyń suraqtary men usynystaryn tyńdaǵymyz keledi», - dedi Astana qalalyq Sybaılas jemqorlyqqa qarsy qyzmet departamenti basshysynyń birinshi orynbasary Іlııas Bazılov.
Onyń aıtýynsha, memlekettik organdar taýardy satyp alý kezinde kóbine naryqtyq baǵadan joǵary somany kórsetedi. Agenttik dereginshe, 9 aıda osyndaı áreketter anyqtalyp, nátıjesinde bıýdjet qarajatynan 2,2 mlrd teńge únemdelgen.
«Biz memlekettik satyp alý portalyndaǵy baryq konkýrstardy tekseremiz. Eger baǵany negizsiz kóterý nemese basqa da sybaılas jemqorlyq sıpatyndaǵy áreketterdi baıqasaq, memlekettik organǵa zattardyń somasyna nazar aýdarýyn talap etip, hat joldaımyz. ıAǵnı, olarǵa naryqqa sáıkes keletin baǵany usynýdy suraımyz. Osylaısha, biz aǵymdaǵy jyldyń 9 aıynda bıýdjet qarajatynan memlekettik satyp alýǵa bólingen 2,2 mlrd teńgege jýyq aqshany únemdedik. Bul qarajat organdardyń taýarlar men qyzmetter úshin usynǵan baǵalaryn qaıta qaraý nátıjesinde únemdeldi», - dep atap ótti Іlııas Bazılov.
Kezdesýge qatysqan Astana qalasy ákiminiń orynbasary Erlan Bekmurzaevtyń aıtýynsha, qazirgi tańda elorda aýmaǵanda 191 myń shaǵyn jáne orta bıznes sýbektisi jumys isteıdi.
«Halyq únine qulaq asatyn memleket» tujyrymdamasy aıasynda syndarly dıalog quryldy. Biz barlyq memlekettik organdarmen turaqty túrde jınalyp, múmkindiginshe barlyq máselelerdi sheshýge tyrysamyz. Elordada bıznes ahýaldy jaqsartý máselesi erekshe ózekti. Óıtkeni, shahar ekonomıkasynyń jartysynan kóbi bıznestiń enshisinde. Bıznespen aınalysý barlyq kásipkerlerge tıimdi bolýy kerek. Ol úshin memlekettik satyp alý salasyndaǵy zańnama únemi jańartylyp, jetildirilip otyrady. Degenmen zańnamada áli de ózgeristi talap etetin olqylyqtar bar», - dep toqtaldy Astana qalasy ákiminiń orynbasary Erlan Bekmurzaev.
