Elordalyq ánsúıer qaýym «Voice of Astana» baıqaýynyń qatysýshylarymen kezdesý ótkizdi

ASTANA. QazAqparat - Elordadaǵy «MEGA Silk Way» saýda oıyn-saýyq ortalyǵynda «Voice of Astana» halyqaralyq baıqaýyna qatysýshylar men qazaq estradasynyń jaryq juldyzdary jankúıerlerimen shyǵarmashylyq kezdesý ótkizdi, dep habarlaıdy QazAqparat tilshisi.

Aıta ketsek, «Voice of Astana» halyqaralyq baıqaýy «Saryarqa» velotreginde 15 maýsym (jartylaı fınal) jáne 16 maýsym (qorytyndy) kúnderi ótedi.

Qazaqstanda mýzykalyq konkýrsqa qatysýǵa 20-dan astam eldiń túrli janrdaǵy 500-den astam ánshileri nıet bildirgen. Mýzykalyq jobanyń jartylaı fınaly Qazaqstan, Reseı, Ózbekstan, Qyrǵyzstan, Tatarstan, Ýkraına, Ázerbaıjan, Grýzııa, Armenııa, Ulybrıtanııa, AQSh, Italııa, Bolgarııa, Estonııa, Qytaı, Úndistan, Mońǵolııa, Túrkııa jáne Izraıl elderiniń talantty ártisterin biriktirip otyr.

Konkýrstan keıin «Saryarqa» arenasyna sheteldik ánshilermen birge tanymal TMD elderiniń ónerpazdary óner kórsetedi. 15 maýsym kúni Batyrhan Shúkenovty eske alýǵa arnalǵan kontsert uıymdastyrylsa, 16 maýsymda Baıǵalı Serkebaevtyń mereıtoılyq keshi ótkiziledi. Sondaı-aq, «Saryarqa» velotreginde Astananyń 20 jyldyǵy qurmetine Valerıı Meladze, Leonıd Agýtın, Vladımır Presnıakov, Alekseı Chýmakov, ıÝlıanna Karaýlova, Elına Chaga, A-Studio toby, Roza Rymbaeva, Karına Abdýllına, Meırambek Bespaev, JCS toby, Aıqyn, Jubanysh Jeksenuly, Dilnaz Ahmadıeva, Álı Oqapov, Dınara Sultan, Marsel, Dınaııa, Lıdo, The Jigits, Aǵaıyndy Júginisovter, Vox Acapella óner kórsetetin bolady.

Baıqaýǵa qatysýshylarǵa búgin belgili qazaq ánshileri Álı Oqapov, Rústem Nurjigit, ánshi Dınaıa jáne Marsel qoldaý úshin keldi. Keshti Dúısen Qalymjanov júrgizdi.

Kezdesý barysynda jaryq juldyzdar men halyqaralyq baıqaýǵa qatysýshylar jankúıerlerimen birge án shyrqap, ózderin qyzyqtyrǵan suraqtaryna jaýap aldy.

«Biz baıqaýǵa qatysýshylarǵa qoldaý kórsetkimiz keledi. Sonymen birge, maqsatymyz - erteńgi kontsert. Baıqaýǵa qatysýshylar arasyndaǵy eń myqtysy - júzden júırik, myńnan ozyq shyqqan ónerpaz jeńiske jetsin degen tilek aıtamyz. Erteńgi kesh biz úshin erekshe. Sebebi, erteń bizdiń súıikti ánshimiz - Batyrhan Shúkenovke arnalǵan kontsert. ıAǵnı, onda tek Batyrhan Shúkenovtyń ánderin oryndaımyz. Álbette, ár oryndaýshy ózine jarasymdy, saı keletin ánderdi tańdap aldy. Tosyn dýetter men toptar bolady. Barlyq ánshiler ózderin basqa qyrynan kórsetetin bolady», - dedi

Іs-sharany Astana 20 jyldyǵyna oraı Qazaqstan Respýblıkasy Mádenıet jáne sport mınıstrligi uıymdastyrýda.