Elordalyq akýsher-gınekolog NIF$50K ınnovatsııalyq bıznes josparlar baıqaýynyń jeńimpazy atandy

ASTANA. 12 qarasha. QazAqparat - Búgin elordada elimizdegi ınnovatsııany qoldaý maqsatynda ótkizilip kele jatqan NIF$50K respýblıkalyq ınnovatsııalyq bıznes josparlar baıqaýynyń qorytyndysyna arnalǵan baspasóz máslıhaty ótti.

Shara barysynda «Tehnologııalyq  damý jónindegi ulttyq agenttik» basqarmasy tóraǵasynyń orynbasary Ánýarbek Sultanǵazın jeńimpazdardyń esimin jarııa etti.

Sonymen birinshi oryn «Bosaný úderisin jeńildetetin tósek» jobasynyń avtory astanalyq Marat Súleımenovke buıyrdy. Á.Sultanǵazınniń atap ótýinshe, ejelden beri qazaq halqy áıeldi tikesinen tik trǵyzyp nemese júresinen otyrǵyzyp bosandyrǵan. Sońǵy jyldarda bul úderis zamanaýı perzenthanalarǵa da engizilýde. Osy rette joba avtorynyń týyndysy bosanýshy áıeldiń qalaýyna saı tik turyp, júresinen, jartylaı otyryp shalqalaı jatyp nemese tórt aıaqtap turyp bosanýyna múmkindik beredi ári bul týyndy eýropalyq balamalaryna qaraǵanda 30 paıyzǵa arzan. Júldeger 7,5 mln. teńge kólemindegi qarjylaı qoldaýǵa ıe boldy.  

Ekinshi oryndy kókshetaýlyq Saǵat Muhamedın ıelenip, 2,5 mln teńge kólemindegi qarjylaı júldeni ldy. Ol óndiristik jylý almastyrý qubyrlaryn qatty qaldyqtardan tazartý  tehnologııasyn usyndy. Joba jylý energetıkasyna ǵana  emes, sonymen birge tamaq jáne hımııa ónerkásibi salasy úshin de paıdaly.

Al úshinshi oryn men 1 mln. teńge kólemindegi qarjylaı júlde Ádil Nysanov pen Sabyr Muhambetovke «Orta jáne tómengi jastaǵy balalarǵa arnalǵan mýltımedııalyq bilim berý júıesi» jobasy úshin berildi.