Elordalyq ÁKK jyl qorytyndysyn shyǵardy
«Astana» ÁKK» AQ qyzmetiniń negizgi baǵyttarynyń biri – áleýmettik mańyzy bar azyq-túlik taýarlarynyń (ÁMAT) baǵasyn ustap turý. Nur-Sultan qalasy ákimdigi janyndaǵy Komıssııanyń sheshimimen elordalyq turaqtandyrý qory azyq-túlikti qoımalarda saqtaý mehanızminen «aınalym tetigine» kóshti. Bul mehanızm boıynsha 0,01% syıaqy mólsherlemesimen jeńildetilgen qaryz berý qarastyrylǵan.
2021 jyldyń qorytyndysy boıynsha kásipkerlik sýbektilerine 14 jeńildikti kredıt berildi. Osy qaryzdar boıynsha 35 myń tonna azyq-túlikke kelisimshart jasaldy. Baǵasy turaqtandyrylǵan ónimderdi satý qala boıynsha 400 dúkende júzege asyrylady. Bul nesıeler ÁMAT-tyń barlyq 19 ataýyna baǵany turaqtandyrýǵa kómektesedi.
ShOB-ty qoldaý jáne damytý maqsatynda elordalyq ÁKK 2016 jyldan beri «1000 oryn – Kóshe saýdasy» jobasyn iske asyryp keledi. Jobanyń ereksheligi – jer telimi úshin tólenetin jaldaý aqysynyń tómendiginde. Mysaly, Esil aýdanyndaǵy aýdany 15 sh.m. jer telimine kásipker jylyna 360 000 teńge tóleıdi. Bıyl ÁKK jalpy aýdany 386 sharshy metr bolatyn 32 ýchaske berdi, 2021 jyly jobany iske asyrý 96 astanalyq turǵyndy jumyspen qamtamasyz etýge kómektesti.
2021 jyly turǵyn úı keshenderin, kommertsııalyq jáne áleýmettik obektilerdi salý úshin ÁKK elordaǵa 1,09 trln. tenge ınvestıtsııa tartty. Bul obektilerdi salý úshin ınvestıtsııalyq 119 shart jasaldy.
Táýelsizdik kúnine oraı elordada birinshi jáne ázirge jalǵyz jyl boıǵy aýyl sharýashylyǵy jármeńkesi jumys isteı bastady. Prıgorodnyı turǵyn alabynda ornalasqan, aýdany 7000 sh.m. jármeńke 150 kásipkerge bir jerde saýda júrgizýge múmkindik beredi. Jármeńkedegi baǵalar naryqtyq baǵadan 15-20%-ǵa tómen. ÁMAT tizimindegi ónimderden basqa, munda azyq-túlik taýarlarynyń barlyq túrleri usynylǵan: sút, et ónimderi, jemister, kókónister, jumyrtqa, jarma, nan, azyq-túlik ónimderi jáne t. b.
«Astana» ÁKK» AQ baspasóz qyzmetiniń aıtýy boıynsha kelesi jyly turaqtandyrylǵan ónim kólemin kóbeıtip, bul ónimmen astanalyqtardy barynsha qamtamasyz etý, kóshe saýdasyn nasıhattaý, elordaǵa ınvestıtsııalardy ulǵaıtý, shaǵyn jáne orta bıznesti qoldaý jáne damytý boıynsha jumystardy jalǵastyrý josparlanýda.