Elordalyq ákimdik Ortalyq ámbebap dúkendi súrý máselesin túsindirdi
ASTANA. QazAqparat - Elordalyq ákimdikte burynǵy OÁD (TsÝM) ǵımaratyn súrý máselesi jaıly aıtty, dep habarlady «QazAqparat» HAA tilshisi.
«Astana sáýlet jáne qala qurylysy basqarmasy» MM Ortalyq ámbebap dúkendi súrýge qatysty ótinishti qarap, bul nysan «Sine Tempore» AQ-nyń jeke menshigi bolyp tabylatynyn habarlady.
«Astana ákimdiginiń 2002 jylǵy 27 jeltoqsandaǵy № 3-1-30 qaýlysymen bekitilgen Astananyń ortalyq bóligi aýdandaryn egjeı-tegjeıli josparlaý jobasyna sáıkes bul aýmaq qalanyń qalyptasqan bóligi bolyp tabylady jáne bul jer ýchaskesine qandaı da bir basqa nysandar ornalastyrý qarastyrylmaǵan», - dep habarlady baspasóz qyzmeti.
Atap ótsek, kóptegen áleýmettik jeli paıdalanýshylary ǵımarattyń tarıhı mánine silteme jasap, ony buzýǵa qarsy pikirler bildirgen.
