Elordalyq 8 mektepte eksperımentaldy synyptarda 100 oqýshy bilim alýda
ASTANA. QazAqparat - Elordalyq 8 mektepte eksperımentaldy synyptarda 100 oqýshy bilim alýda. Bul týraly «12 jyldyq mektep tájirıbesi: 10 jyldyń qorytyndysy» taqyrybynda ótken Qazaqstan Respýblıkasynyń Bilim jáne ǵylym vıtse-mınıstri Esenǵazy Imanǵalıevtiń 12 jyldyq bilim berý boıynsha eksperımentaldy mektepterdiń oqýshylarymen kezdesýinde málim boldy.
Kezdesýge 140 adam qatysty, sonyń ishinde eksperımentaldy mektep basshylyǵy, kýratorlar, oqýshylar. Bul týraly astana.kz saıtyna qalalyq Bilim basqarmasynan habarlady.
Vıtse-mınıstr Esenǵazy Imanǵalıevtiń aıtýynsha, 12 jyldyq bilim berý tájirıbesi respýblıkamyzda 2003 jyly qolǵa alyndy, al bıyl elordalyq 8 mektepte 9-11 eksperımentaldy synypta 101 oqýshy oqyp jatyr.
Kezdesý aıasynda kórme uıymdastyrylyp, kópshiliktiń nazaryna 2003-2014 oqý jyldaryndaǵy Astana qalasynyń eksperımentaldy mektepteriniń qyzmetin kórsetetin bannerler, stendter, tájirıbeshi muǵalimderdiń shyǵarmashylyq jumystary usynyldy. Budan basqa, №3,4,32 mektepterdiń oqýshylary óz ónerlerin ortaǵa saldy, «Kógildir jelken» balabaqsha - gımnazııasynyń oqytýshylary men eksperımentaldy synyp oqýshylarynyń «Meniń tańdaýym - bolashaq bilimi» atty ekskýrsy ótkizildi.
Sondaı-aq, «Bos mıkrofon» sharasy uıymdastyrylyp, oqýshylar 12 jyldyq bilim berý boıynsha ózderin qyzyqtyrǵan suraqtaryn qoıdy. Kezdesý sońynda QR Bilim jáne ǵylym vıtse-mınıstrine elordalyq mektepterdiń eksperımentaldy synyptarynyń oqýshylary ázirlegen «Birlesken shyǵarmashylyq» hartııasyn tabystady.
