Elordalyq №38 mektep-lıtseıi halyqaralyq «International Quality Crown» syılyǵyna ıe boldy
ASTANA. 3 jeltoqsan. QazAqparat - Elordalyq №38 mektep-lıtseıi sapa, kóshbasshylyq, tehnologııalar jáne ınnovatsııalar úshin International Quality Crown IQC Altyn kategorııa júldesimen marapattaldy. Aıta keteıik, Qazaqstan atalmysh syılyqqa alǵash ret qol jetkizip otyr.
Bul týraly Astana qalasy ákimdiginiń resmı saıtyna Bilim basqarmasynan habarlady.
London 2013 Sapa jónindegi Halyqaralyq Konventsııa BID, Business Initiative Directions jyl saıynǵy baǵdarlamalardyń bir bóligi bolyp tabylady. Ol iskerlik álemdegi kompanııalardyń, uıymdardyń jáne kásipkerlerdiń eńbekterin moıyndaýǵa baǵyttalǵan. Jylyna eki ret táýelsiz sarapshylar álem boıynsha iri kompanııalardyń qyzmet kórsetý sapasynyń mádenıetin baǵalaıdy.
Bıyl bilim salasyndaǵy altyn júlde alǵash ret Qazaqstanǵa buıyrdy. Bul buǵan deıin kompanııalary men mekemeleri sapaǵa beriktigi, jetken jetistikterin moıyndaý maqsatynda Halyqaralyq premııa alǵan Eýropa, Amerıka, Afrıka, Azııa jáne Taıaý Shyǵys elderiniń jeńimpazdardyń tarıhı tobyna qosyldy.
Mektep-lıtseı dırektory Jamal Qasymbek International Quality Crown júldesin Londonda «Business Initiative Directions» Prezıdenti Hose E. Prıeto myrzanyń izgi qurmet marapattaýymen aldy.
Saltanatty rásimge 74 memlekettiń kompanııalary, sondaı-aq, túrli salada qyzmet etetin kóshbasshylar, ekonomıka, óner, korporatıvtik ımıdj salasynyń kásipqoılary, sapa salasyndaǵy sarapshylar jáne dıplomatııalyq korpýs ókilderi qatysty.
