Elordalyq 1244 túlek UBT tapsyrýda
ASTANA. QazAqparat - Búgin elordalyq 1244 túlek Ulttyq biryńǵaı test tapsyrýda. Bul týraly búgin Astana qalalyq bilim basqarmasynyń bastyǵy Elmıra Sýhanberdıeva málim etti.
«Búgin elordanyń mektep túlekteri ulttyq biryńǵaı testi tapsyrýdy bastady. Bizde 4042 túlek mektep bitirse, sonyń 3588-i UBT tapsyrady. Qazirgi ýaqytta 1244 bala úsh núktede test tapsyrýda», - dedi ol.
Onyń atap ótýinshe, UBT-ny L.Gýmılev atyndaǵy Eýrazııa ulttyq ýnıversıtetinde 3 aýysymmen - 1750, Qazaq memlekettik zań ýnıversıtetinde 2 aýysymmen - 781, al S.Seıfýllın atyndaǵy Qazaq agrotehnıkalyq ýnıversıtetinde 2 aýysymmen - 1057 oqýshy tapsyratyn bolady.
Aıta keterligi, UBT kezinde túlekterge qara jáne kók tústi qalam, qarandash jáne óshirgish qoldanýǵa ruqsat etilgen. Al qoıý geldi qalam paıdalanýǵa, emtıhan materıalyn ruqsatsyz ashýǵa jáne aıyrbastaýǵa, oryn aýystyrýǵa, oqýlyq, shpargalkany aýdıtorııaǵa kirgizýge jáne paıdalanýǵa, kóshirýge, elektrondy qurylǵylardy paıdalanýǵa tyıym salynǵan.
Ereje buzylǵan jaǵdaıda tyıym salynǵan zattardyń tabylǵandyǵy jaıynda akti jasalyp, túlek aýdıtorııadan shyǵarylady.
