Elordalyq 100 otbasyǵa materıaldyq kómek kórsetildi

NUR-SULTAN. QazAqparat – Bas qalada ótken jastar qaıyrymdylyq baly aıasynda 100 otbasyǵa kómek kórsetildi, dep habarlaıdy QazAqparat tilshisi.

«Elordada osymen ekinshi jyl ótip jatqan halyqaralyq jastar baly aıasynda 2 qaıyrymdylyq sharasy uıymdastyryldy. Onyń birinshisi «Qaıyrymdy qala» onda halyqaralyq jastar balynyń qatysýshylar 100 áleýmettik jaǵdaıy tómen otbasyǵa materıaldyq kómek kórsetti. Ol úshin biz arnaıy muqtaj jandardy tańdap aldyq. Sondaı-aq, atalǵan otbasylardyń balalary merekelik shoý-baǵdarlamany tamashalaý múmkindigine ıe boldy. Ol Táýelsizdik kúnine oraı uıymdastyryldy. Odan bólek, qatysýshylar «Júrekten júrekke» qaıyrymdylyq aktsııasy aıasynda qaladaǵy qarttar jáne balalar úılerine bardy. Onda qarttar jáne balalarmen áńgime dúken quryp, áserli kesh ótti», - dedi Nur-Sultan qalasy Qoǵamdyq damý isteri basqarmasy jastarmen jumys bóliminiń basshysy Baqytjan Júnisbekov.

Onyń aıtýynsha, jastar atalǵan qaıyrymdylyq sharalarǵa belsene qatysty.

«Jastarǵa arnalǵan qaıyrymdylyq baldyń basty maqsaty – kesh ótkizip, bı bıleý ǵana emes. Jastardy qaıyrymdylyqqa baýlý, qaıyrymdy is jasaýǵa shaqyrý. Bıylǵy jastar baly halyqaralyq deńgeıde ótýde. Balǵa qatysýǵa 20-ǵa jýyq elden debıýtanttar ótinim bildirdi. Sonyń nátıjesinde 10 túrli eldiń jastaryn qaıyrymdylyq sharasy biriktirdi. Barlyǵy da qaıyrymdylyq sharasynda ultyna, tiline qaramastan óz bilsendilikterin tanytty», - dedi ol.

Aıta ketsek, keshe Nur-Sultanda «Bir álem – bir ómir» (One world – one life) atty halyqaralyq jastar baly ótti. Oǵan Reseı, Qytaı, Nıgerııa, Tájikstan, Ózbekstan, Qyrǵyzstan, Ýkraına, Indonezııa, Venesýela jáne óz elimizdiń debıýtanttary qatysty.

https://kaz.inform.kz/news/nur-sultanda-kayyrymdylyk-baly-otip-zhatyr_a3595874