Elordalyqtardyń 105 mlrd teńge salyq bereshegi bar
ASTANA. KAZINFORM — Elordalyqtardyń salyq bereshegi 105 mlrd teńgeni quraıdy. Bul týraly Astana qalalyq memlekettik kirister departamenti Qaryzben jumys basqarmasynyń basshysy Aımahan Enbaev aıtty.
- 2025 jylǵy 5 jeltoqsandaǵy málimet boıynsha Astana qalasyndaǵy jalpy salyq beresheshi 105 mlrd teńgeni, onyń ishinde 58 mlrd teńge negizgi qaryzdy quraıdy. Jyl basynan beri salyq organdary 10 mlrd teńgeden astam somany óndirip aldy, - dedi ol Astana qalasy kommýnıkatsııalar qyzmetindegi brıfıngte.
Onyń aıtýynsha, jańartylǵan Salyq kodeksinde májbúrleý sharalary qaryz mólsherine qaraı naqty saralandy. Bul tásil ákimshilendirýdiń ashyqtyǵyn qamtamasyz etip, az mólsherdegi bereshek úshin bıznestiń jumysyn toqtatýǵa jol bermeıdi. Naqty aıtqanda, 20 AEK-ten aspaıtyn (86 500 teńgege deıin) bereshek kezinde tek eń tómengi ósimpul esepteý, salyq tóleýshige habarhat joldaý sharasy qoldanylady. Banktik shottarǵa shekteý qoıylmaıdy. Al 20-45 AEK (86 500 - 194 625 teńge) aralyǵyndaǵy bereshek kezinde salyq organy habarlama jiberedi, habarlama oryndalmaǵan jaǵdaıda banktik shottar boıynsha shyǵys operatsııalary toqtatylady. Boryshty óteý úshin ınkassalyq ókimder qoıylýy múmkin. 45 AEK-ten joǵary bereshek kezinde múlik saýda-sattyqqa shyǵarýǵa daıyndyq aıasynda sıpattalady, salyq tóleýshiniń debıtorlary arqyly bereshekti óndirip alý jumystary júrgiziledi.
Basqarma basshysy 2026 jyldan bastap áleýmettik tólemder boıynsha bereshekke qatysty banktik shottar operatsııalaryn toqtatý tártibi de ózgeretinin aıtady. ıAǵnı, qaryz kólemi 6 AEK-ten (25 950 teńgeden) assa, habarlama tapsyrylǵan kúnnen keıin 10 jumys kúni ótken soń shyǵys operatsııalary toqtatylady. Bul rette shekteý tek bereshek somasy sheginde ǵana qoldanylyp, kásiporynnyń tolyq jumysyn bógemeıdi. Іri boryshkerlerge qatysty qosymsha sharalar engiziledi. Eger 27 000 AEK-ten (116 mln teńgeden) asatyn qaryz úsh aı boıy ótelmese, sot salyq tóleýshiniń elden shyǵýyn shekteýi múmkin. Aldymen salyq organdary mindetti túrde habarlama jiberip, boryshty erikti túrde óteýge múmkindik beredi. Sonymen birge, salyqtar boıynsha merzimin uzartý jáne bólip tóleý múmkindikteri keńeıtiledi.
- Bul ózgerister bızneske qoldaý kórsetýdi, onyń qarjylyq turaqtylyǵyn saqtaýdy jáne ekonomıkalyq belsendilikti arttyrýdy kózdeıdi, - dedi basqarma basshysy.
Taıaýda Májilis depýtaty Erlan Barlybaev Premer-mınıstr Oljas Bektenovtiń atyna saýal joldap, eńbek mıgranttaryna qosymsha salyq salý týraly usynys aıtty.