Elordalyqtar shańǵy jarysynan qysqy Azıada júldegerlerin qarsy aldy
ASTANA. KAZINFORM – Astana halyqaralyq áýejaıyna shańǵy jarysynan IX qysqy Azııa oıyndarynyń júldegerleri men qatysýshylary elge oraldy.
Bul qatarda Ulttyq qurama qorjynyna erler arasyndaǵy klassıkalyq sprıntte kúmis medal salǵan Konstantın Bortsov, 10 shaqyrymǵa erkin stılde úzdik úshtikti túıindegen Oljas Klımın bar.
«Eń birinshi týystaryma, qoldaýshylaryma, halqyma alǵysymdy aıtamyn. Árıne, bul ortaq jeńis. Osy dodada qarsylastarymyz óte myqty boldy. Biraq sonda da kúshimdi jınap, barymdy salýǵa tyrystym. Endi alda qateliktermen jumys jasap, odan da jaqsy nátıje kórsetemin», - dedi óz sózinde Oljas Klımın.
Sondaı-aq komandalyq estafetada kúmis ıelengen arýlarymyz (Kamıla Elǵazınova, Ksenııa Shalygına, Angelına Shýryga, Nadejda Stepashkına) ben qola júldeger atanǵan erler quramasy (Naıl Bashmakov, Vladıslav Kovalev, Oljas Klımın, Konstantın Bortsov) boldy.
Olardy áýejaıdan jaqyndary, jankúıerleri jáne Sportty damytý dırektsııasynyń qyzmetkerleri erekshe qurmetpen kútip aldy.
Aıta keteıik, 7-14 aqpan aralyǵynda Harbınde ótken qysqy Azıada óz máresine jetti. Qazaqstan quramasy 20 medalmen (4 altyn, 9 kúmis, 7 qola) jalpykomandalyq esepte 4-shi orynǵa turaqtady.
Buǵan deıin Harbın-2025 qysqy Azııa oıyndarynyń Qazaqstan úshin oljasy az bolǵanyn jazǵanbyz.