Elordalyqtar aýa raıynyń nasharlaýyna baılanysty medıtsınalyq kómekke júgindi

Aýa raıynyń nasharlaýyna baılanysty 18 qarashada qalalyq statsıonarlarǵa medıtsınalyq kómek boıynsha júgingen azamattar bar, dep habarlaıdy Kazinform.

Osylaısha, jedel medıtsınalyq járdem brıgadasy tórt naýqasty túrli jaraqattary boıynsha Kópbeıindi qalalyq aýrýhanalardyń jaraqat pýnktine jetkizdi. Olar negizinen kógerý, jara sekildi jaraqattarmen tústi. Bir bala aıaqtyń jabyq synýymen jetkizildi. Patsıentterdiń báriniń jaǵdaıy qanaǵattanarlyq, reanımatsııalyq jaǵdaıǵa túsken naýqastar joq. 

Naýqastardyń bir bóligi medıtsınalyq qyzmetkerler teksergennen keıin asqynýlardyń bolmaýyna baılanysty ambýlatorııalyq emdelýge jiberildi. 

Keıbir zardap shekkender medıtsınalyq kómek kórsetilgennen keıin jedel járdem kóligimen jaraqat pýnktine barýdan bas tartty. 

Aýa raıynyń nasharlaýyna, atap aıtqanda, ekpini 15-20 m/s bolatyn ońtústik-batys jeliniń kúsheıýine, keı tustarda 23 m/s bolýyna baılanysty qalanyń kommýnaldyq qyzmetteri dúleı jeldiń saldaryn joıý úshin jumys istep jatyr.