Elordalyq taksıst sheteldikti áýejaıdan qonaq úıge 45 myń teńgege aparǵan

Astanada sheteldik azamatty aldaǵan taksı júrgizýshisi ustaldy, dep habarlaıdy Kazinform polıtsııaǵa silteme jasap. 

22 qarashada 102 arnasyna «Dıplomat» qonaq úıiniń ákimshisinen habar tústi.

Ol taksı júrgizýshisiniń Úndistan azamatynan ony Astana áýejaıynan qonaqúıge jetkizgeni úshin 45 000 teńge alǵanyn habarlady.

Іzdeý is-sharalaryn ótkizý barysynda kóliktegi polıtsııa departamentiniń qyzmetkerleri elordalyq taksoparkterdiń biriniń júrgizýshisin ustady.

Ol sheteldikti aldap, halyqaralyq áýejaıdan qonaqúıge deıingi baǵany ádeıi kótergen.

Taksı júrgizýshisi óz kinásin moıyndap, zalaldy tolyq kólemde ótedi.

Quqyq buzýshyǵa qatysty ÁQBtK-niń 190-baby boıynsha ákimshilik hattama toltyrylyp, 10 AEK mólsherinde aıyppul salyndy.

Sondaı-aq taksoparktiń atyna osyndaı quqyq buzýshylyqtardyń sebepteri men jaǵdaılaryn joıý týraly usynys jiberildi.