Elordalyq sportshylar sınhrondy júzýden Dýbaıdaǵy halyqaralyq týrnırde top jardy

ASTANA. KAZINFORM — «Barys» sport kesheniniń basseıninde jattyǵatyn elordalyq sınhronıster quramasy Dýbaıda ótken Artistic Swimming World League sınhrondy júzýden álemdik jarysta úzdikter qatarynan kórindi, dep habarlaıdy Astana ákimdiginiń resmı saıty. 

Álemniń túkpir-túkpirinen 30-dan astam komanda men 250 sportshyny jınaǵan jarystarda elordalyq sınhronıster naǵyz daıyndyq pen sheberliktiń joǵary deńgeıin kórsetti.

AQSh, Jańa Zelandııa, Sıngapýr, Reseı, Italııa, Túrkııa jáne Mysyr qurama komandalary qatysqan týrnırde Astana quramasy kóshbasshylar qatarynda boldy. 12 jasqa deıingi sanatta qazaqstandyq sportshylar 4 medal jeńip aldy: 2 altyn, 1 kúmis jáne 2 qola.

Altyn júldege erikti jáne aralas toptar ıe boldy. Kúmis pen qola dýetke, al qola jeke toptarǵa berildi.

Komanda nátıjeleri:

Birinshi oryn — erikti top (12 jas jáne odan kishi)

Birinshi oryn — aralas top (12 jas jáne odan kishi)

Ekinshi oryn — dýet (12 jas jáne odan kishi)

Úshinshi oryn — dýet (12 jas jáne odan kishi)

Úshinshi oryn — jeke (12 jas jáne odan kishi)

Elordalyq sportshylardyń óneri erekshe sınhrondylyq pen ártistikti ǵana emes, sondaı-aq eń myqty qarsylastarmen kúreste tabandylyqty kórsetti.

Komanda quramyna Darıa Volodkına, Nasıma Baımuhametova, Anar Abdýgalıeva, ıAsmın Ahmetova, Aıdıdar Arınqyzy, Malıka Sársimbaeva, Samıra Bagamedova, Aıılın Qusembaeva, Álııa Sovetova, Zara Syzdyqova, Aızere Malıkova, Damejan Qurmanǵazy, Erkejan Qasenova, Aısana Isabaı jáne Jasmın Rahımova kirdi.

Komandanyń jattyqtyrýshylary Alına Lıtvınenko men Svetlana Kolodııdiń sheberligi sportshylarǵa keremet nátıjelerge qol jetkizýge múmkindik berdi.