Elordalyq sportshylar para qol kúresten álem chempıonatynda úzdik nátıje kórsetti
ASTANA. KAZINFORM — Bolgarııanyń Albena qalasynda 13-18 qyrkúıek aralyǵynda para qol kúresten álem chempıonaty ótti, dep habarlaıdy elorda ákimdiginiń resmı saıty.
Bıylǵy dodaǵa 24 elden 547 sportshy qatysyp, baq synady. Elordalyq sportshylar Qazaqstan namysyn abyroımen qorǵap, joǵary nátıjelerge qol jetkizdi.
Atap aıtar bolsaq:
• Erbol Eskenov – 1-oryn (sol qol), 1-oryn (oń qol);
• Nıkıta Ermakov – 1-oryn (oń qol), 3-oryn (sol qol);
• Bekzat Búrkitov – 2-oryn (sol qol), 3-oryn (oń qol).
Para qol kúresinen jattyqtyrýshy Zaır Ahmedov jarystyń deńgeıi jyl saıyn artyp kele jatqanyn atap ótti.
– Chempıonat oıdaǵydaı ótti. Bıyl 500-den asa sportshy qatysyp, básekelestik deńgeıi erekshe joǵary boldy. Bizdiń sportshylar bar kúsh-jigerin salyp, ózderin laıyqty kórsetti. Ásirese, alǵash ret álemdik arenaǵa shyqqan Býrkıtov Bekzat senimdi óner kórsetip, jaqsy nátıjege qol jetkizdi, - dedi ol.
Eske sala keteıik, buǵan deıin grek-rım kúresiniń sheberi Demeý Jadraev álem chempıonatynyń 1/4 fınalyna joldama alǵanyn jazǵan edik.