Elordalyq sportshy jastar arasynda GTF taekvondodan álem chempıonatynda top jardy

ASTANA. KAZINFORM – Birikken Arab Ámirlikteriniń Ál-Aın qalasynda 15-17 jas aralyǵyndaǵy jastar arasynda GTF taekvondodan álem chempıonaty máresine jetti. Atalǵan týrnırge álemniń 25 elinen 600-den astam sportshy qatysty. Bul synda elordalyq sportshy qarsylastarynan úzdik shyqty, dep habarlaıdy elorda ákimdiginiń resmı saıty.

Qazaqstan quramasy bul bedeldi týrnırde laıyqty óner kórsetti. Atap aıtqanda, elordalyq sportshy Sabrına Baıjigitova 40 kg deıingi salmaq dárejesinde baq synady. Ol joǵary deńgeıdegi daıyndyǵyn, sheberligin, tózimdiligin jáne jeńiske degen jigerin kórsete bildi. 

Chempıondyq ataq úshin bolǵan tartysty jekpe-jekterde Sabrına altyn júldegeúmitti ózge elderdiń úzdik sportshylarymen kúsh synasty. Alaıda senimdilik pen naǵyz sportshyǵa tán minez kórsetken ol fınalda reseılik qarsylasynan basym túsip, týrnırdiń barlyq kezeńinen súrinbeı ótti. 

Jalpykomandalyq esep boıynsha Qazaqstan quramasy álemniń úzdik úsh komandasynyń qataryna enip, taekvondonyń qazaqstandyq mektebiniń joǵary deńgeıin taǵy bir márte dáleldedi.

Eske salsaq, osyǵan deıin Malaızııanyń Kýchıng qalasynda ótip jatqan taekvondodan jastar arasyndaǵy Azııa chempıonatynyń ekinshi jarys kúninde Qazaqstan quramasy 11 medal alǵanyn jazǵan edik.