Elordalyq sportshy Eýropa kýbogynyń qola júldegeri atandy
ASTANA. KAZINFORM — Horvatııanyń Dýbrovnık qalasynda dzıýdodan erler men áıelder arasynda Eýropa kýbogynyń jarysy ótti. Baıraqty básekede Qazaqstan namysyn qorǵaǵan astanalyq sportshy Tursynaqynova Tolqyn sátti óner kórsetti. Bul týraly Astana qalasynyń ákimdigi málim etti.
Bıylǵy dodaǵa álemniń 32 elinen 305 sportshy qatysyp, kúshterin synady.
+78 keli salmaq dárejesinde beldesken ol qarsylastaryn jeńip, nátıjesinde úshinshi orynǵa turaqtap, qola júldege qol jetkizdi.
Halyqaralyq týrnır 31 naýryzǵa deıin jalǵasady.
Eske sala keteıik, búgin Halyqaralyq dzıýdo federatsııasy Qytaıdyń Ordos qalasynda ótetin dzıýdodan Azııa chempıonatyna qatysýshylardyń aldyn ala tizimin usyndy.
