Elordalyq otbasylarǵa azyq-túlik pen kıim-keshek satyp alý úshin sertıfıkattar berildi

Táýelsizdik kúnine oraı «Januıa» otbasy ınstıtýtyn qoldaý ortalyǵynda «10 ıgi is» aktsııasy aıasynda kómekke muqtaj otbasylarǵa kıim-keshek pen azyq-túlik satyp alý úshin sertıfıkattar tabystaldy. Bul týraly Kazinform Astana ákimdiginiń resmı saıtyna silteme jasap. 

Azyq-túlik pen kıimder satyp alýǵa bolatyn syılyq sertıfıkattaryn «Kaspi med» JShS ázirledi. 

«Táýelsizdik merekesine oraı muqtaj jandarǵa azyq-túlik pen kıim alý úshin sertıfıkat túrindegi syılyqtarmen kómektesý týraly sheshim qabyldandy. Biz 300 otbasyǵa azyq-túlik sebetine jáne zattar satyp alýǵa bolatyn sertıfıkattardy jeke-jeke daıyndadyq. Kompanııamyz múmkindigi shekteýli jandarǵa taýar jetkizýmen aınalysady. ıAǵnı, Kaspi med kompanııasynyń mıssııasy múgedek adamdardyń ómir súrý sapasyn jaqsartý jáne ómirin jeńildetý bolyp sanalady. Biz, eń aldymen, sapaly taýarlardy qoljetimdi baǵamen jetkizemiz», - dedi kompanııanyń bas býhgalteri Áıgerim Taıjanova. 

Іs-sharaǵa «Januıa» ortalyǵynyń jetekshiligimen 30 otbasy qatysty. 

«Men alty balanyń anasymyn. Úlkeni - 19 jasta, ýnıversıtette oqıdy, ekinshi balam segizinshi, úshinshi balam birinshi synypta synypta oqıdy. Odan keıingi qyzym balabaqshaǵa barady. Ary qaraı egiz balalarym bar. Olar aqpan aıynda eki jasqa tolady. Olardy «Januıa» ortalyǵy balabaqshaǵa ornalastyrýǵa kómektesti. Búgin jubaıym ekeýmiz arnaıy shaqyryldyq, bizge sertıfıkattar tabystaldy. Qala ákimdigi men «Januıa» ortalyǵyna alǵysymyzdy bildiremiz. Aıta ketý kerek, bul bir rettik aktsııa emes, osy jerden únemi túrli kómek alyp turamyz», - dedi astanalyq Gúlmıra Hadjısmaılova. 

«Januıa» otbasy ınstıtýtyn qoldaý ortalyǵy múgedek balalardy tárbıelep otyrǵan kópbalaly, tolyq emes, áleýmettik az qamtylǵan otbasylarǵa jáne múmkindigi shekteýli adamdarǵa keshendi konsýltatsııalyq qyzmetter kórsetý, sondaı-aq otbasy ınstıtýtyn nyǵaıtýǵa baǵyttalǵan is-sharalardy uıymdastyrý jáne iske asyrý maqsatynda qurylǵan.