Elordalyq oqýshylar sońǵy qońyraýda vals bılemeıtini ras pa
ASTANA. KAZINFORM — Qazir jelide astanalyq mektep túlekteriniń sońǵy qońyraý saltanatty is-sharasyn ótkizý máselesi qyzý talqylanyp jatyr.
Áleýmettik jelide sońǵy qońyraý saltanatty sharasyn ótkizýge qatysty elordalyq oqýshylar taratqan jazba jarııalandy.
— Qurmetti ata-analar! 25 mamyr kúni saltanatty jıyn mektep tarapynan uıymdastyrylady. Vals bıleý, lenta taǵý alynyp tastalyndy, — dep jazylǵan mátinde.
Osylaısha, elordalyq mektep túlekteri sońǵy qońyraý saltanatyna shekteý qoıyla ma dep alańdaýly.
Іstiń mán-jaıyn qalalyq Bilim basqarmasynan anyqtadyq.
— Eshqandaı shekteý kózdelmegen. Bul máselege qatysty ata-analarmen arnaıy jınalys uıymdastyrylady, — degen jaýap aldyq basqarmanyń baspasóz qyzmetinen.
Eske sala ketsek, ótken jyly Oqý-aǵartý mınıstri Ǵanı Beısembaev sońǵy qońyraý kezinde ata-analar mekteptegi merekelik is-sharalarǵa shyǵyndalyp, balalardy ysyrapqa úıretpeýi kerektigin aıtqan edi.