Elordalyq oqýshylar Qazaqstan halqynyń birligi kúnine oraı kontsert qoıdy
ASTANA. KAZINFORM – Búgin elordadaǵy №2 óner mektebinde «Birligimiz jarasqan» atty merekelik kontsert ótti. Mádenı is-shara 1 mamyr – Qazaqstan halqynyń birligi kúnine arnaldy.
Oqýshylardyń boıynda dostyqty, tatýlyqty, ulttar arasyndaǵy syılastyqty dáripteý jáne halqynyń kópultty mádenıetin nasıhattaý maqsatynda uıymdastyrylǵan merekelik kontserttiń ashylý saltanatynda mektep dırektory Nazgúl Dúısen sóz alyp, barsha qatysýshylardy Qazaqstan halqynyń birligi kúnimen quttyqtap, izgi tilegin jetkizdi. Óz sózinde ol elimizdiń basty baılyǵy — tatýlyq pen kelisim ekenin atap ótip, jas urpaqqa dostyq pen beıbit ómirdiń mańyzyn uǵyndyrýdyń qajettigine erekshe toqtaldy.
Kontsert barysynda óner mektebiniń oqýshylary óz ónerlerin ortaǵa saldy. Olar halyqtar dostyǵyn ulyqtaıtyn ásem ánder shyrqap, túrli ulttardyń ulttyq bılerin oryndady.
Qalamyzǵa tanymal «Qazyna» sazsyrnaıshylar ansambli, «Nazqońyr» qobyzshylar ansambli, «Murager» dástúrli ánshiler jáne «Syrly saz» folklorlyq ansamblderi óner kórsetip, kórermen yqylasyna bólendi. Іs-shara barysynda kórermender qazaq, orys, ózbek, uıǵyr, belarýs,qyrǵyz jáne basqa da ult ókilderiniń ónerlerimen tanysty. Árbir óner týyndysy elimizdiń mádenı ártúrliligin, birligin, tatýlyǵyn pash etti.
Mádenı is-shara joǵary deńgeıde uıymdastyrylyp, oqýshylar men ustazdar, ata-analar tarapynan jyly yqylasqa ıe boldy. “Birligimiz jarasqan” atty merekelik kesh — jas urpaqtyń boıyna patrıottyq rýhty, mádenı sanany, ulttar dostyǵyn dáripteıtin tárbıelik máni zor shara boldy.
Sonymen qatar osy mektepte «Bir shańyraq astynda» atty kórme uıymdastyryldy. Kórmeniń negizgi maqsaty — oqýshylardyń ulttyq qundylyqtarǵa, mádenı ártúrlilikke degen qurmetin arttyrý, el ishindegi ulttar dostyǵyn nasıhattaý jáne kórkemdik-shyǵarmashylyq qabiletterin damytý.
Ártúrli ult ókilderiniń turmysy men mádenıetine baılanysty buıymdar, qoldan jasalǵan kórkem jumystar, oqýshylardyń óz qoldarymen salǵan sýretteri men qolóner týyndylary kórme tórinen oryn aldy.
«Bir shańyraq astynda» kórmesi arqyly oqýshylar men qonaqtar elimizde turatyn ulttardyń baı mádenı murasymen tanysyp, olardyń óneri men salt-dástúrine degen qyzyǵýshylyǵyn arttyrdy. Іs-shara oqýshylar arasynda ózara syılastyq pen túsinistikti nyǵaıtyp, birlik pen yntymaqty dáripteıtin taǵylymdy tárbıe kózine aınaldy.
Kórme joǵary deńgeıde uıymdastyrylyp, ata-analar men ustazdar tarapynan oń baǵalandy.
Buǵan deıin elordada Qazaqstan halqynyń birligi kúni qalaı atalyp ótetinin jazdyq.