Elordalyq oqýshy Tiktok jáne Youtube kóretin balalardyń zeıinin zertteıtin neırojoba ázirledi
ASTANA. KAZINFORM — Astana qalasyndaǵy Ǵafý Qaıyrbekov atyndaǵy №2 mektep-gımnazııasynyń 8-synyp oqýshysy Setqazy Mıras TikTok jáne YouTube platformalaryndaǵy qysqa vıdeolardyń balalardyń zeıinine yqpalyn zertteıtin neırojoba ázirledi, dep jazdy elorda ákimdiginiń resmı saıty.
Jobanyń maqsaty – qysqa vıdeolardy kórý ýaqyty men zeıin turaqtylyǵy arasyndaǵy baılanysty tájirıbe arqyly anyqtaý. Zertteý barysynda oqýshylardyń ekran ýaqyty taldanyp, saýalnama júrgiziledi. Sondaı-aq Shýlte kestesi men Býrdon túzetý synamasy arqyly zeıindi shoǵyrlandyrý jyldamdyǵy, turaqtylyǵy men dáldigi baǵalanady.
Joba aıasynda qysqa beınelerdi kórýge deıingi jáne keıingi nátıjeler salystyrylyp, mıdyń madaqtaý júıesi men dofamınniń róli qarastyrylady. Oqýshy zertteý nátıjelerin ǵylymı turǵydan túsindirýge jáne sebep-saldar baılanysyn asyra baǵalamaýǵa mán beredi.
Jobanyń praktıkalyq nátıjesi retinde tsıfrlyq gıgıena erejeleri, jadynama men aqparattyq býklet ázirleý josparlanǵan. Bul materıaldar oqýshylarǵa ekran ýaqytyn sanaly basqarýǵa jáne sabaq kezinde zeıinin shoǵyrlandyrýǵa kómektesedi.
Jobanyń negizgi maqsaty – smartfonnan bas tartý emes, tsıfrlyq tehnologııany tıimdi paıdalanyp, zeıindi basqarý daǵdysyn qalyptastyrý.
Ǵalymdar molekýlalardy tanıtyn neırojeli jasaǵanyn jazǵan edik.
